Jisálamu 109:16 - O Mikanda Ikola

¹⁶ Mukonda o muene ue ka xikina kukuatela henda; ni ngadiama ni phulungu ua mu zukutisa jinga muene, mukua kikote kia muẋima u mu bhondeleka muene, phala ku mu jibha.

Jisálamu 109:16 ပူးပေါင်းရင်းမြစ်များ

Dimatekenu 42:21

Anga a zuela mudiâ, exi: Ni kidi, etu tuala tu êdi muene; tua bele mukonda dia kiki ki tua bhangele Phangʼietu; tua muene malamba a muxima uê, iú tu dionda, maji nguetu kuivua; kiene kia tu ijiia o uíndua uosʼú.

Jisálamu 10:14

Eie-phe ua ki mono; kuma u mukua kutala o ikalakalu ia athu ni malamba mâ moso; phala eie u ki kuate muene konda bhu maku mé; eie muene hinu u zuela ku mulonga uâ; kokué kuene ku di bhakula uoso ua lémbua kubhânga; eie muene u dilemba dia jihukunhi.

Jisálamu 10:2

Isuéia, mukonda dia izala, ala kukaia ngadiama ni ku mu seia; tamano a fue ene mu míkala ia tela akuʼâ.

Jisálamu 34:18

Jihova ua zukama kua iá a toloka miẋima, u bhulula oso a talamana mu nzumbi.

Jisálamu 37:14

Akua phulu a fomona xibhata, oleka uta ua mufula, phala ku jikinisa o phulungu ni ngadiama, ni kujibha ió oso ala mu njila iaiuka.

Jisálamu 37:32

Ua bhukumuka u batamena iú uaiuka, u sota muene ndunge ia ku mu jibha.

Matesu 5:7

A zediua akua henda, ene ue Nzambi u a kuatela henda.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.