Jisálamu 107:7 - O Mikanda Ikola

⁷ Hé u a songuela mu njila ia iuka, katé kia bhiẋila-nâ ku mabhata kua tungu athu, mu sanzala mua fuama ene kukala.

Jisálamu 107:7 ပူးပေါင်းရင်းမြစ်များ

Nehemiia 11:3

O atumini a tundile mu jisengu, kuiza mu ku kala mu Jeluzaleme, enhá: Maji mu jisanzala ja Juda-phe kala muthu ua kexile mu ixi iê ia tambuile, mu ʼsanzala jâ, kífua akua Izalaiele, ni jinganga, akua Leví, ni ateki a menha ni aẋangi a jihuinhi, ni anʼakua mbèle ia Solomá:

Jisálamu 107:36

U bhangesa iá akua nzala, a iudika-bhu sanzala bhenhobho, hé a tunga, a soma muene.

Jisálamu 107:4

Kuma enhá mu kikangalakata mua texikile, anga a kala mù bunganena mu jinjila ja hatu; dibhata dia tungu o muthu ka di mono.

Jisálamu 136:16

Uendesa o mundu uê mu kikangalakata; kuma kulenduka kuê ki kuene kúbhua.

Jisálamu 77:20

Mundu ué-phe ua endesa kala kilunga kia jimbudi, abidi muene Mozé ni Alá.

Jisálamu 78:52

Maji ua tubhula o mundu uê kala jimbudi, muene ua endesa mu mukáu ua kukuta mukuâ ni kilunga.

Izaía 30:21

O mátui mé, mà kévua dízui ku dima dié, di ku fuetela kuila: Iii iene o njila, endelenu muenhumu; kana kuabhukila ku lukuaku lua kúdia mba lua kiasu.

Izaía 32:18

O athu ami anga a kà tunga mu diembu dia batama, ni mu madiembu a kondama, ni mu ididi ia tululuka ia kunhoha.

Izaía 48:17

Jihova, Mubhuludi ué, o Dilemba dia Izalaiele, uambe kiki: Eme Jihova Nzambi ié, u ku longa kioso kia uabha, hé u ku endesa mu njila i ua fuama kuenda mu ku di-tela.

Jelemiia 31:24

Mua muene, muene mua kà tunga Juda ni mabhata mê moso kumoxi; ni iá kiá ue oso idimakaji, ni akua kuenda ni ilunga.

Jelemiia 31:9

À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.

Jelemiia 6:16

Jihova uambe kiki: Kutukenu mu jinjila, mu tale nda mu ibhule ikoka ia xahulu, ioso o njila iauabha, muʼendele muenhomo; nda mu sange o dinhohenu dia jinzumbi jenu: Maji ene-phe exi: Nguetu kuenda.

Dialuilu 9:22

Se dia tula ku balaka, né di bhanga izuua iiadi, mba mbeji, mba muvu, anga di kala ku thandu diê, anʼa Izalaiele a xikama muene bhu kibangu kiâ, kʼende; se dia zangumuka a katuka ni kuenda.

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.

II Phetele 2:15

A jimbila, iá ala kubungana ngó, kuma njila ia kidi a tokoka ku i ijiia! A kaiela mu njila ia Balamu, monʼa Beola, uandalele o nganhu ia kitadi mu kubhanga kia iibha.

II Phetele 2:21

Mukonda kieju beta kuuabha, se a kambele kuijiia o njila ia kuiuka, kana kiki kiaʼijiia, maji kijila kiangene kikôla kia a bhana a ki xie, a vutukila ku dima.