Jisálamu 107:41 - O Mikanda Ikola

⁴¹ Maji-phe o phulungu u mu katula mu lusebu, hé u mu tudika ditala dia ujitu, u mu sokolola o muiji kala kilunga kia ibhaku.

Jisálamu 107:41 ပူးပေါင်းရင်းမြစ်များ

Dimatekenu 48:11

Izalaiele anga u ambela Zuze, uixi: Eie muene ki nga fikile ku ku mona dingi o pholo; ua mono-phe Nzambi ua ngi bhana ue kumona hanji ni muiji ué.

Jobe 21:11

O tuana tuâ a tuʼehela kutunda ni kulenga-lenga kala kilunga; anʼâ a tuka-tuka muene ni ngalasa.

Jobe 36:15

O phulungu-phe ua tate, a mu bhuluila mu kutata kuê, o mu ku mu bhondeleka, muene mua mu jikuila o mátui.

Jobe 42:16

Kia bhiti imʼiii, Jobe anga u kola muenhu mu hama ia mivu ni makuinhi a uana; anga anʼê u a mona ku mesu ni anʼa anʼê, katé ku muiji ua kauana.

Jobe 5:11

Phala ua tolo o dijina a mu tule ditala dia dileka; o ió ua bhiti ni thambi a kale mu sanguluka ni jimbote ja vulu.

Jobe 8:7

Ditala dié dia dianga, ku tanga kidi, dia kexile diòfele, maji di sukidila-ku di kala diònene muene.

Jisálamu 128:6

Ni ana ni alaula eie ua kà a mona mesu, ni kutululuka ku thandu dia Izalaiele!

Jisálamu 78:52

Maji ua tubhula o mundu uê kala jimbudi, muene ua endesa mu mukáu ua kukuta mukuâ ni kilunga.

Jisabhu 17:6

Athu a kuka, kitundu kiâ o aláula; o kijingu kia ana-phe, o jitata.

Jelemiia 31:27

Tala, izuua í iza, Jihova ua ki tange, ki nga-nda ku kuna dibhata dia Izalaiele ni dibhata dia Juda ni mbutu ia athu ni mbutu ia iama.

Tiiaku 5:11

Talesenu kuma etu tua a mono kuzediua, mukonda dia kukolokota kuâ. O kukolokota kua Jobe mua ku ivua, muejiia ue o disukilu diê kioso Nzambi kia mu zediuisa. Mbata o Ngana ua vula o kukuatela henda ni kulendukila.

I Samuuele 2:21

Jihova anga u bhana dibesá kua Hana, muene u imita, anga u vuala anʼatatu a mala, ni anʼaiadi a ahatu. Kamona Samuuele anga u kala mu kudila bhu pholo ia Jihova.

I Samuuele 2:8

U zangumuna o ngadiama mu mavu, u katula phulungu bhu dixita nʼa mu xikamesa ni anʼa jingana phala a lundule kiandu kia fuma; kuma o jiphiladi ja ixi, jangene ja Jihova, o Ngongo ua i xikika ku thandu diâ.