Jisálamu 107:40 - O Mikanda Ikola

⁴⁰ Anʼa jingana u a lunduluila kabaxa, anga u a bhangesa kubungana, mu kikangalakata mua kambe o njila.

Jisálamu 107:40 ပူးပေါင်းရင်းမြစ်များ

I Jisobha 21:19

Anga ua kà mu tangela, uixi: Ngana uambe kiki: Manhi kua jibha, eie ua tambula undundu? Ua ka mu tangela dingi, uixi: Ngana uambe kiki: Bhu kididi bhua lesela jímbua o manhinga ma Nabote, jímbua ue bhene bhu ja kà lesela o manhinga mé, o mé eie-muène!

Jobe 12:21

U takuila o ilamba mu lusebu, o phonda ia mazonda u i zozesa.

Jobe 12:24

O mixima ia atumini mu ngongo, u a katula-iu, anga u a bhangesa kubungana mu kikangalakata mua kambe o njila.

Jisálamu 107:4

Kuma enhá mu kikangalakata mua texikile, anga a kala mù bunganena mu jinjila ja hatu; dibhata dia tungu o muthu ka di mono.

Jisálamu 78:66

U di ta mu jinguma ni ku a batela bhoxi; a bhi-ku muene, ua a bhesa lusolo.

Makatukilu 8:17

Anga a ki bhanga; kuma Alá ua leka o lukuaku ni mbangala, iú ua beta of fufuta ia mavu bhoxi anga muiza jina ni ku mikutu ia athu, ni ku mikutu ia ibhaku; fufutila ioso ia mavu ia biluka jina mʼoxi ioso ia Ijitu.

Makatukilu 8:24

Jihova anga u ki bhanga; hé kuiza matuta a makota a jihamue mʼonzo ia Falaó, ni mu jinzo ja akua mbèle iê; o ixi ioso ia Ijitu anga i sekala mukonda dia jinzungule ja jihamue jenʼiji.

Makatukilu 8:3

O mazote mu honga a di vuala, a banda, a bokona monzo ié, ni mu dizekelu dié, ni bhu hama bhene, ni mu jinzu ja akua mbèle ié, ni mundu ué uoso, ni ku majiku ni mu jímbia ja kulambela.

Makatukilu 8:4

O mazote a ku kuma ni ku mukutu ué, ni ku ifuẋi ié ioso, ni ku akua mbèle ié ioso.

Daniiele 4:33

Bhu kumbi dienhodio, mu anzanzʼumu, sobha Nabukodonozolo kiene kia mu tangela kia mu iza muene, muʼaxaxi ka athu ua muangana-mu, iú uakexe kudia iangu mukuâ ni ngombe, mbudu i tunda bhulu ia mu sukila muene ku mukutu, anga ku mu sabhuka kingonha kala minha ia holokoko, o iala hé i mu lebhelela kala iala ia jinjila.

Jipoxolo 12:23

Mu kithanganʼokio, anju ia Ngana i mu kuama, mukonda ua kambe kujingisa Nzambi; anga u diua ku mabhuka, u zubhidisa.

Matendelelu 32:10

Ua mu sange mʼoxi ia kikangalakata kiahatu, ixi ia kukuta ia ngene ni ngene, muala kubuza ngó iama! Ua mu ongeka, ua mu lange, hé u mu sasa mukuâ ni mona diesu.

Dijingunuinu 19:18

Zenu mu die xitu ia jisobha, ni xitu ia makesongo a ita, ni xitu ia masoladi, ni xitu ia jikabalu ni ene a ji mondala, ni xitu ia athu oso, jifôlo ni abhika, jindenge ni makota!

Afundixi 4:21

Bhenhobho, Xixela kiaii ku kilu, Jaiele, mukajʼa Hebele, u katula phapha ia balaka, ni martelu ia kubatela na-iu, hé u i kuata bhu lukuaku luê, u mu zombela bhuoso bhuala, u mu batela phapha mu mútue, phapha anga i tundidila i kuata mu mavu, kuma uaii ku kilu kiavulu; anga u ambukila bhobho, u fua.

I Samuuele 5:9

Anga a bheka álaka ia Nzambi ia Izalaiele kuenhoko. Kia zubha-phe ku i sondolola, lukuaku lua Jihova lu nemena ku thandu dia akua dibhata koko ni kibuika kia dikota ki kuata uoma; anga Jihova u beta akua bhata, ni jindenge ni makota, aia ni ku tunda mabhumbu ku mukutu mu ididi ia jisonhi.

I Samuuele 6:4

Ene-phe, exi: Mubhaku ua kudiẋikina mulonga u kala kiebhi, uoso u tu mu vutuila? Exi: Mu iudika mabhumbu matanu ma ulu, ni tundôndo tutanu tua ulu, kifua mu sokesa mu sobha jitanu ja akua Fidíxia, kuma o dibhebhu diene dimoxi dia kexile ku thandu dienu oso ni kuthandu dia jisobha jenu.