Jisálamu 107:4 - O Mikanda Ikola

⁴ Kuma enhá mu kikangalakata mua texikile, anga a kala mù bunganena mu jinjila ja hatu; dibhata dia tungu o muthu ka di mono.

Jisálamu 107:4 ပူးပေါင်းရင်းမြစ်များ

Jobe 12:24

O mixima ia atumini mu ngongo, u a katula-iu, anga u a bhangesa kubungana mu kikangalakata mua kambe o njila.

Jisálamu 107:40

Anʼa jingana u a lunduluila kabaxa, anga u a bhangesa kubungana, mu kikangalakata mua kambe o njila.

Izekiiele 34:12

Mukuâ ni mubidi kia kenga o kilunga kiê, bhu kizuua muene kia kala muʼaxaxi ka jimbudi jê ja di muange, kiene ue eme ki nga-nda kukenga o jimbudi jami; anga ngi ji takana mu ididi ioso mu ja di muangena, bhu kizuua kia dituta ni kia kitombe.

Izekiiele 34:6

O mbudi jami jì ja mu bunganena ngó mu milundu ioso, ni mu tuthuthulundu tuoso tua di leka; xi, kiene muene! O mbudi jami joso ja muanganena ngoho mu tumbu ni ngongo, ki ji moneka uoso u ji sota, mba uoso u ji takana (ku ja di texiʼoko).

Dialuilu 14:33

O anʼenu a kala abidi, a nhungana mu kikangalakatʼumu makuinhi auana a muvu, ambata kuxixima kua undumbu uenu, katé ki mua kà jila, imbi ienu ni i xalela mu kikangalakatʼumu.

Dialuilu 32:13

Njinda ia Jihova anga i uama kua Izalaiele, anga u a nhungisa mu kikangalakata mu makuinhi auana a muvu, katé muiji uosuʼô ua bhangele kiaiibha ku mesu a Jihova, ua jila.

Matendelelu 32:10

Ua mu sange mʼoxi ia kikangalakata kiahatu, ixi ia kukuta ia ngene ni ngene, muala kubuza ngó iama! Ua mu ongeka, ua mu lange, hé u mu sasa mukuâ ni mona diesu.

Matendelelu 8:15

Kuma Muene ua mi endesa mu kikangalakata kiosuʼokio, kikangalakata kia dikota ki kuatesa uoma, kiezala jinhoka ja uama túbhia ku maju, ni jinvuanga, ixi ia kikaku, ia bhingi menha ka moneka, anga a ku katuila menha ku ndanji mu ditadi phala eie kúnua.

Jihebeleu 11:38

A bungana mu mikau ia kukuta, ni ku milundu, a zeka mu mabanda ni mu makungu bhoxi. O ngongo ki i fuamene athu kala iá!

Dijingunuinu 12:6

O muhatu anga u lengela mu kikangalakata, mua kala o kididi kiê kia mu iudikila Nzambi. Hé a kala mu ku mu dikila kuenhoko mu midi ia kizuua ni hama jiiadi ni makuinhi a samanu.