Jisálamu 107:33 - O Mikanda Ikola

³³ Muene jihonga ja menha ua ji kitula mukáu ua kisekele, o bhu otho ia ngiji bhueza mavu a kukuta.

Jisálamu 107:33 ပူးပေါင်းရင်းမြစ်များ

I Jisobha 18:5

Bhenhobho Akabe uambela Obadiia, uixi: Bhita mu ixi, u talese mu fixi joso ja menha, ni mu jingiji joso. Sumba tu sanga-mu iangu ia kudikila na-iu o ibhaku, sembele tu bhake o jikabalu ni jimula ku muenhu, phala ki tu kambe ibhaku.

Jisálamu 74:15

Eie ua jikula otho phala mu fuafue menha ma di bhange ngiji; eie ue ua kukutisa jihonga nuka mua kambele menha.

Izaía 42:15

Ni milundu ni tuthuthu-lundu ngʼi bilula oxi ia kisèkele, o isasa iê ioso ngi i kukutisa, o jingiji nga kà ji kitula ikolo, o mazanga ngi ma thothuenesa.

Izaía 44:27

O musanza uazongo ngi u ila: Kukuta! Eme hé ngi kukutisa o jingiji jê;

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Jelemiia 14:3

Jingana jâ ja beta ukota, ja mu tuma o jindenge kuteka menha; ene eza ku ixima menha né-ku; a vutuka ni masanga ma hatu; sonhi jʼa kuata, mu thulu mua a xiti, ia a vunga milele mu mítue.

Izekiiele 30:12

O jingiji nga kà ji kukutisa, anga ixi nga kà i sumbisa, ni ku i bhana bhu maku ma athu a bhukumuka, hé o ixi ni kuizala kuê kuoso nga kà i buikisila ku lukuaku lua athu engi; eme, ngi Jihova, nga ki tange.

Jouele 1:20

Iama ioso ue mu mikáu i dikola kokué, kuma jingiji ja kukuta; o túbhia tua zubha o sabhelela ioso mu ixi ia kisekele.

Nahumu 1:4

Muene u bateka musanza ua kalunga, hé u u kukutisa; o jingiji joso jithothuena; Baxane ni Karmelu, a botomoka, o fololo ia Libano i xoueta.

Sofoniia 2:13

Lukuaku luê lu bhiẋila ue ku suku, ni Asídia u jima, o Ninive uxala ngundu, u kituka ixi ia kukuta mukuâ ni kikangalakata.

Sofoniia 2:9

Kala kiki, mu kidi kiene, Eme Jihova dia ifuẋi, Nzambi ia Izalaiele, nga lokela muenhu uami kuma Mouabhe ubuika kala Sodoma, anʼa Amone a di bhanga kala Ngomola; o ixi iâ i di bhanga kangu dia môngua, mu sabhuka isása i xixima, i biluka ngundu i nangenena, kuma ene aia muene nzaká, kà moneka dingi. O ió oso a subhuka ku mundu uami, a kà kituka ene tubhinganu tuâ, a subhuka ku athu ami a kʼèza hé a a kuata anga a avua.