Jisálamu 107:32 - O Mikanda Ikola

³² A mu tange o fuma bhu kionge kia mundu, a mu tumbule bhua xikama adiakimi, o ikulakaji.

Jisálamu 107:32 ပူးပေါင်းရင်းမြစ်များ

Jisálamu 111:1

Haleluia! Ngi ximana Jihova ni muẋima uami uoso, bhu kionge kia athu, ni bhua bhongoloka o mundu.

Jisálamu 119:46

Ngi tanga jinga o umbangi ué, ni bhu pholo ia jingana, jisonhi ki ji tena ku ngi kuata.

Jisálamu 18:46

Jihova u kôla; a tane-ku, ditadi diami! a zangalale, Nzambi iami ia kibhamuenhu!

Jisálamu 22:22

Kienhókio, ngi tumbula-phe o dijina dié ku jiphange jami; ngi ku ximana bhu kionge bhua bhongoloka o mundu.

Jisálamu 22:25

Eie-muène nga ku te thâthe bhu pholo ia athu avulu; kioso ki nga loko, ngi ki kumbidila bhu pholo ia akua uôma ué.

Jisálamu 26:12

Kinama kiami kia kuata kiá mu njila iasokelela; ngi benzela Jihova mu kionge kia akuetu.

Jisálamu 35:18

Phala ngi ku ximane mu kionge kia dikota; ngi ku sakidile bhua bhongoloka o mundu uavulu.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Jisálamu 66:16

Zenu, mu ivue, enu oso muene mu ẋila Nzambi, ngi mi jimbuile kioso muene, kia bhanga, mù kudila o muenhu uami.

Jisálamu 99:5

Jingisenu Jihova Nzambi ietu, mu diundilienu bhu kibaka kia inama iê; mukonda muene ukôla.

Jisálamu 99:9

Jingisenu Jihova, Nzambi ietu, mu diundilienu bhu mulundu uê uangene; kuma Jihova, Nzambi ietu, ukôla.

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Izaía 12:4

Bhu kizuua kieneʼokio, mua kèla: Sakidilenu Jihova, diondenu mu dijina diê, tangenu muʼaxaxi ka mundu ikalakalu ia maku mê, tangenu-kiu muene kuma dijina diê kujinga kuahi!

Izaía 25:1

Jihova, Tata, eie muene u Nzambi iami; ngi ku zangeleka muene, o dijina dié ngi di ximana jinga, mukonda ua bhange madiuanu; ima i ua tanga, mʼukulu kidi, iakuata, iakolo.