Jisálamu 107:22 - O Mikanda Ikola

²² A mu satele jisata ja kusakidila, o ikalakalu iê a i tumbule ni kuimba ni kusanguluka.

Jisálamu 107:22 ပူးပေါင်းရင်းမြစ်များ

Jisálamu 116:12

Kiki-phe ngi bhakula kima kiahi kua Jihova, mu mbote joso jene ku ngi bhanga?

Jisálamu 116:17

Ngi ku satela sata ia kusakidila, ngi hingila jinga mu dijina dia Jihova.

Jisálamu 118:17

Ki ngi fu dingi, ngi laia muene; hé nga kà jimbuila athu kioso ki kalakala Jihova.

Jisálamu 27:6

Ki bhangesa mútue uami u bhetuka, jinguma ja ngi bhindamena ngʼa muena ngó bhoxi; anga ngi bhana mu balaka iê jisata ja kusakidila; ngimba mikumbi, ngi sanguluka mu kuximana Ngana.

Jisálamu 50:14

Kota u satela Nzambi sata ia kusakidila; kumbidila kioso ki ua tange kubhana kua Suke-ku.

Jisálamu 73:28

Eme-phe kia ngi uabhela o kuzukama kua Nzambi; nga solo Ngana Nzambi, muene u kala kibúta kiami, phala ngende jinge ni kutumbula o ikalakalu ié ioso.

Jisálamu 9:11

Imbenu diximanu dia Jihova, ua tunga mu mbanza iê ia Ziione; o ikalakalu iê iene kubhanga, tangenu-iu mu akua jixi.

Jisálamu 9:15

Matumbu a dibhale mu diela dia kande ene; inama iâ iafu mu uanda ua telele akuʼâ.

Izaía 12:4

Bhu kizuua kieneʼokio, mua kèla: Sakidilenu Jihova, diondenu mu dijina diê, tangenu muʼaxaxi ka mundu ikalakalu ia maku mê, tangenu-kiu muene kuma dijina diê kujinga kuahi!

Ijila 7:12

Se sata iê ua i bhana mu kusakidila, kifua sata ia kusakidila, kikale u bheka, ni kibhaku kia sata iê ia kusakidila, jimbolo ja kambe felemendu; jólunge ni maji; ni jibolaxa ja kambe felemendu, jóuese ni maji, ni jimbolo jamukuá jólunge ni maji, ja fuba ia uabha kiambote, jalungana muene kiambote.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.