Jisálamu 107:12 - O Mikanda Ikola

¹² Kiene kia bhekela o ku a tolola muẋima ni ubhika; o kia di bhukana, a dibale, u a kudila a mu tokoka.

Jisálamu 107:12 ပူးပေါင်းရင်းမြစ်များ

II Jisobha 14:26

Mukonda o Jihova ua mono kuila o hadi ni mbûnda ia Izalaiele, ia tundu kinéne, ia lulu, kuma ki bhuala mubhika, ki bhuala ngana, mba muthu ngó uosouoso u kuatekesa Izalaiele.

II Jisobha 6:33

Kioso muene hanhi kiʼala mu kuzuela-nâ, tala, o phunga i tula, iala mu ku tuluka kua muene; hé uila, uixi: Tala, o kuiibha kuku kua tundu kua Jihova, kima kiahi-phe dingi kia kinga kua muene?

Nehemiia 9:37

O ibundu ia mu bhakula o ixi iii, iangene ia jisobha, ji ua tuika o ku tu bhikisa, mukonda dia ituxi ietu; ene ia a kuata kubhikisa o mikutu ietu, kala kiasolo mu mixima iâ; etu tuala mu kubhondalala kua dikota.

Jobe 9:13

Nzambi ka kà fudisa kutema kuê o akuatekexi a di zangeleka a kà bhetamena muene bhoxi.

Jisálamu 142:4

Nga talesa bhu mbandu iami ia madilu, kana-bhu dilemba; ku ngi lengela ki ku moneka; kana muthu kia mu kuatela kima, né muenhu uami ua di boto.

Jisálamu 22:11

Kana ku ngi kala dikanga, kuma kubhondalala kua ngʼiza bhua zukama, o u ngi kudila dingi, ka moneka.

Makatukilu 2:23

Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Izaía 51:23

Inda nga kà di tula bhu maku ma ió a ku tatesele, ambelele o muenhu ué, xi: Bhetama, tua-nda kubhita ku kunda dié; anga eie u ta dikunda dié kala mavu ma kudiata, kifua mbambe ni njila phala jingenji.

Izaía 52:5

Kiki-phe ngi bhanga kiebhi, eme Jihova? Kuma o mundu uami a u bhundile sè kikuma; O oso a mu u tumina aia ni kuhunza, Jihova muene ua ki tange; o dijina diami a kuata ku di lebhula kumbi dioso dia kambàmba.

Izaía 63:5

O ki nga tale ku mukonda, u ngi banda ki nga mu mono; eme nga diuana kuila ki bhuala u ngi fikidila, kienhiki lukuaku luami luene lua ngi bhekela kubhuluka, o ngânji iami iene ia ngi fikidila.

Afundixi 16:21

Akua Fidíxia anga a mu kuata, a mu tufula mesu, a mu bheka ku Ngaza, a mu kuika ni jingidinhá ja ngondo; u kala mu nhungisa matadi a kuzukila fuba mu kaleia.

Afundixi 16:30

Sasangu anga u amba, uixi: Ngi fuile kiá kumoxi ni akua Fidíxia. Kia zubha kuzuela kiki inzu u i nhikisa ni nguzu ioso katé ia di bula-bula imisula, inzu anga i lundumuka, ni jisobha ni mundu uoso ala-mu ia a xina. Kala kiki athu a jibha mu ufuilu uê kota mu kuvula, a a jibha jinga ku muenhu uê ndenge.