Jisálamu 106:9 - O Mikanda Ikola

⁹ Kalunga Kakusuka ua ka temena, ka kukuta; iú ua a bhitisa koxi a menha kala ku mukáu kuala.

Jisálamu 106:9 ပူးပေါင်းရင်းမြစ်များ

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jisálamu 18:15

Koxi a menha anga ku moneka ni kioso ki enda jihonga jê, kibumu kia xala mu kanga katé ku disesa diê, mukonda dia kubazela kué, u Jihova, mukonda dia muha u fuafua mu mazuluʼé.

Jisálamu 66:6

O kizanga kia kalunga, ua ki kitula mavu a hatu; ni honga ia menha, athu a i zaúka muene bhoxi dia kukuta; bhenhobho tua sanguluka mukonda dié.

Jisálamu 78:13

Kalunga ua ka batula muʼaxaxi, iú ua a bhitisa mu kaẋi kê; menha ma di lumala kala ditûmbu.

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Izaía 51:10

Ki eie-muène ua kukutisa o menha mu musanza ua kalunga, o menha ma mukiukuluku uonéne, o mu nzongolo ia kalunga anga u bhitisa-mu njila phala o jihule muene mua bhitila?

Nahumu 1:4

Muene u bateka musanza ua kalunga, hé u u kukutisa; o jingiji joso jithothuena; Baxane ni Karmelu, a botomoka, o fololo ia Libano i xoueta.

Matesu 8:26

Muène-phe ua ambela, uixi: Mualela-hi ni uôma, enu mua tolo o kuxikana? Anga u fundumuka, u bazela o kitembu ni menha ma kizanga; kuma anga ku tululuka, ku di xibha kiambote.