Jisálamu 106:8 - O Mikanda Ikola

⁸ Maji kiene kimoxi, muene ua a bhulula mukonda dia dijina diê, phala o undanda uê a u ijiie;

Jisálamu 106:8 ပူးပေါင်းရင်းမြစ်များ

Jisálamu 111:6

Nguzu iê ia kukalakala ua ʼidikiza ku mundu uê, mu ku a bhana o undundu ua matumbu.

Jisálamu 143:11

Ngi phaphumune, u Jihova, mukonda dia dijina dié; mukonda dia kuiuka kué, ngi katule o muenhu uami mu malamba.

Jisálamu 23:3

U tambula konda ia muenhu uami; u ngʼendesa mu njila ja kuiuka mukonda dia dijina diê.

Makatukilu 15:6

Lukuaku lué lua kúdia, eie u Jihova, luala ni nguzu ia fuma; lukuaku lué lua kúdia, u Jihova, lua muanganesa o nguma, muangatatá.

Makatukilu 18:8

Mozé anga u kunda ukouʼê kioso kia bhange Jihova kua Falaó ni kua akua Ijitu, mukonda dia jihenda ja kuatela Izalaiele, ni jihadi joso ja tale mu njila, ni kia a kuatekesa jinga Jihova, mu ku a kudila.

Makatukilu 9:16

maji-phe kiene ki nga ku bhakela ku muenhu, phala ku ku idikiza kutena kuami, mbé o dijina diami di fumane mu ngongo ioso.

Izaía 48:9

Mukonda-phe dia dijina diami, o njinda iami nga-nda ku i kokolokesa, mukonda dia diximanu diami, nga-nda ku ku lendukila, phala ki ngize mu ku ku katula.

Jelemiia 14:21

Mukonda dia henda ia dijina dié, kana ku tu di tuna; o kiandu kia ulamba ué, kana ku ki diotela bhoxi; xinganeka, kana ku sangununa o kikutu ki ua ta nʼetu.

Jelemiia 14:7

Kia di kalela kiua kuma o ikuma ietu iene ia tu kundula, Jihova tata, bhanga kima, mu henda ia dijina dié; kuma umbalu uetu ua di sokolola; Eie muene tua ku te muene kituxi.

Izekiiele 20:14

O ki nga bhange-phe, nga ki bhangela ngoho o henda i nga kuatela o dijina diami, phala ka di sebulule ku mesu a miji ioso a mono kioso eme ki nga a tundisa mu Ijitu.

Izekiiele 20:22

Maji nga sukamesa o lukuaku luami, nga ki bhangela o henda ia dijina diami, phala ki di bonge malebhu bhu mesuʼa akua jixi, a muene kioso ki nga a tundisa.

Izekiiele 20:44

Hé kia kà mʼindukila kiua, kuila emiʼeme ngi Jihova, kioso ki ngi mi tekujula ni henda mukonda dia dijina diami, anga ngi fula o ku mi bhanga kala kia fuama mu jinjila jenu jaiibha, ni ibhangelu ienu ia phulu, eie u dibhata dia Izalaiele, tata! Jihova ua ki tange.

Izekiiele 20:9

O ki nga bhange-phe kiá, nga ki bhangela ngoho o henda i nga kuatela o dijina diami, mbé ka di kasanese bhu mesuʼa akua jixi, mua kexile ene, mu kaxi kâ, a mono kioso ki nga di tukulula kua ene, phala ku a katula mʼoxi ia Ijitu.

Loma 9:17

Kala kia ki soneka mu Mikanda Ikôla kuma Nzambi ua tangela Falaó, uixi: Kiene ki nga ki bhangela o ku ku zangeleka ku usobha, phala o nguzu iami ni i monekene ko-kué, mbé dijina diami ni di fumane mu ngongo ioso.

Josuué 4:24

mbé ifuẋi ioso mu ngongo ejiie kuma lukuaku lua Jihova lu kôla; enu uenu ni mu kale ni uoma ua Jihova, izúua ioso, katé ku hádia ni hádia.

Josuué 7:9

Mukonda akua Kanana, ni akuaʼxi oso, kia-nda ku kʼivua, a-nda ku tu konda, anga a tu batula dijina dietu mu ngongo. Eie-phe Ngana, o dijina dié diajingi, dia dikota, ua-nda ku di bhanga kiebhi?

I Samuuele 12:22

Mbata Jihova ka ẋikina ku ambudisa mundu uê, mukonda dia dijina diê dikola, mukonda Jihova kia mu uabhela o ku mi bhanga mu mundu uê-muene.