Jisálamu 106:38 - O Mikanda Ikola

³⁸ Iá a ẋamujuna manhinga, sé ngó kikuma, o manhinga ma anʼâ ene, ni a mala ni a ahatu; anʼâ a a satela muene o iteka ia Kanana, o ixi anga a i ta o lúfuku lua manhinga.

Jisálamu 106:38 ပူးပေါင်းရင်းမြစ်များ

II Jisobha 17:17

Katé ni anʼâ a mala ni anʼâ ahatu a oha jinga mu túbhia mu ku satela o mahamba; a dibhakula mu kuzambula, a beta ku xikana o imbanda; a di-sumbisa mu kubhanga ima ia ibha ku mesu ma Jihova mbé o ku mu lokalala o njinda iê.

II Jisobha 21:16

O kia di-te-ku dingi o Manasa ue ua zunza manhinga a vulu a athu a bene katé Jeluzaleme kia mu izalesa ngó ni manhinga tundé kua tundu katé kua suku; katu-ku hanji o kituxi kiê kia bhangesa na-kiu Juda o ku-ta kituxi ni kubhanga ima ki ia fuama bhu mesu ma Jihova.

II Jisobha 24:4

Kumoxi ue ni manhinga a athu a iuka muene a ẋamuna, o mbanza ia Jeluzaleme iú ua i-zalesa ni Kihaxi kia athu a bene; ki kia bhangesa kuila o Ngana ue nguaiʼé kuloloka.

Izaía 1:15

Uila kiki, kioso ki mú sunununa o maku menu mu kusamba, mesu mami, kokuenu, ngi ma sueka; xi, kioso ki mu vudisa o misambu ienu eme ki ngi ivu, mukonda o makuʼenu ezala manhinga.

Izaía 24:5

Kuma kia kidi kiene oxi ia kasana, mukonda dia iá oso a tungumu; mbata o ijila ka mu i aiuka, o jingonge a ji lungulula, o kikutu kinangenena a ki bulu.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Jelemiia 19:4

Mbata eme a ngi xi, o kididi kiki a ki kasanesa, muene muohela uasu ua dizumba phala jinzambi jengi, jene nuka a jiʼjidile, né ene, mba o jitata jâ, né o jisobha jene ja Juda; ia edi o kididi a kiʼzalesa ni manhinga ma athu a iuka.

Jelemiia 2:34

Katé ni ku mixiku ia izuatu ié kuala ue manhinga a mienhu ia athu a kambele kikuma, ni a bhindama: ki ngi bhingile-phe ku kanda phala ku i sanga, kuma kia di monekena muene ku ima ioso iii.

Izekiiele 16:20

Sumbala ua bhange iii, maji uate-ku dingi o kukatula anʼé a mala ni anʼé a ahetu u ua vuala nʼeme, eie ua a satela iteka iènhʼoio, phala ku a jikinisa; manhi o undumbu ué iú, ua tolo?

Izekiiele 22:3

U zuele, uixi: Jihova Nzambi uambe kiki: Lamba dia mbanza ioso iia ni kulunduluila o manhinga muʼaxaxe kê-muène, phala o kithangana kiê ni kiza-bhu! Uia ni ku di bhangela o iteka i mu bhanga, i mu bhanga o phulu, phala ku di kasanesa!

Izekiiele 7:23

Eie bhanga lubhambu, mukonda o ngongo iezala ituxi ni manhinga, o mu mbonge muezala kusuína.

Ijila 18:21

Kana kukatula muhatu ku mbutu ia tundu momuʼé phala ku mu bhakula ku sata ia lubhandu lua dihamba dia Mulôko; Kikôla! Kiókio kuselula dijina dia Nzambi ié. Eme Jihova.

Ijila 18:25

Kiene kia sekalela oxi; Eme ue o kituxi kia kusekala kua oxʼiii hádia ngi kʼibhula, oxi-phe hé ia kà lusa oso a tungu-mu.

Dialuilu 35:33

Kienhiki ixi i mua tungu ki mu i te lufuku; kuma o manhinga ma kijibha ma fukula ixi; ixi ki i xikina ku i bonza o lufuku lua manhinga ma kijibha, ki kale uoso ua jibha u bhana ue o manhinga mê.

Matendelelu 21:9

Mu ku bhanga kiki, mua katula o manhinga ma muthu ua kambe kikuma muʼaxaxe kenu, kuma mua kumbidila ima iafuama ku mesu ma Jihova.