Jisálamu 106:37 - O Mikanda Ikola

³⁷ Ni anʼâ a mala ni anʼâ ahatu a a satela uâ ku madimonho.

Jisálamu 106:37 ပူးပေါင်းရင်းမြစ်များ

II Jisobha 16:3

Mukonda muene uende mu jinjila ja jisobha ja Izalaiele; kí kia bhingi kuila ni monʼê ua mu bhitisa mu túbhia, kala kiene o ufusa ua akua matumbu, a a kaiesela kuengi kuala Jihova iá a tundu bhu mesu ma akua Izalaiele.

II Jisobha 17:17

Katé ni anʼâ a mala ni anʼâ ahatu a oha jinga mu túbhia mu ku satela o mahamba; a dibhakula mu kuzambula, a beta ku xikana o imbanda; a di-sumbisa mu kubhanga ima ia ibha ku mesu ma Jihova mbé o ku mu lokalala o njinda iê.

II Jisobha 21:6

Katé ni monʼé muène ua mu bhitisa ue mu túbhia; ua kexi ue mu kuzambuila mu matuta; ua kexile ue mu xingila, iú ua lumbile ue ndumba dia azambuidi ni imbanda; anga u suina muene mu kubhanga kia ibha bhu mesu ma Jihova, mbé o ku mu lokalala o njinda iê.

II Malunda 11:15

Muene iu ua di sotela jinganga jêmuène, mbé o kusatela bhu ididi ia di leka, ni madimonho, ni tungombe tua iudika muene-muène.)

Izaía 57:5

Mua senduka ni mahamba bhu makota a miẋi ia uisu, ni ku satela tuana ku jingiji, ni mu mabânda a matadi?

Jelemiia 32:35

Iá a tunga matala ma Bahale, ala mu honga ia monʼa Hinome, phala kubhangesa anʼâ a mala ni anʼâ a ahatu kubhita mu túbhia tua Muloko; o kima eme nuka nga ambelelè-kiu ku ki bhanga, mba ki ngi bhita ngó ku muẋima uami, kuila a bhange ufusa uenhó; phala ene a bhangese Juda kuta kituxi.

Jelemiia 7:31

Ia a tungu matala ma Tofete, mala mu dikolo dia monʼa Hinome, phala muene mu ohela anʼâ a mala ni a ahatu mu túbhia; o kima nuka ngʼa tuma-kiu, mba ki ngi tunda ngó ku muẋima.

Izekiiele 20:26

eme nga a kasanesa mu maujitu ma ene-muène, ma kexile mu ku bhitisila mu túbhia ima ioso i jikula o divumu; phala o ku a jikinisa, mbé ejiie kuila eme ngi Jihova.

Izekiiele 20:31

O kioso enu ki mua mu bhakula o maujitu menu, anga mu bhitisa anʼenu mu túbhia, ki kidi kiene kuila enu ue mua di kasanesa ni iteka ienu ioso, katé mu kizuua kia lelu? Enu tata, mu dibhata dia Izalaiele, hádia mu ngʼibhula? Jihova Nzambi uixi: Kikola! Enu hádia ki mua-nda ku ngʼibhula dingi.

Izekiiele 23:37

Kuma a te jiphanda, ala ni manhinga ku maku mâ; a te muene jiphanda ni iteka iâ, katé ni anʼâ a vuala nʼeme, a a bhitisa muene mu túbhia, phala ku a buikisa.

Izekiiele 23:47

O kifuẋi anga kia kà a bûba ni matadi, a kà a toma-toma ni xibhata jâ; o anʼâ a mala ni anʼâ a ahetu a kà a jibhila-nâ, o jinzu jâ a kà ji ta mu túbhia.

Ijila 17:7

Ki bhua kàle dingi kuila ene abhakula jisata jâ ku madimonho, ene mu kulandukila ni kubhanga-nâ o undûmbu; kienhiki kià kale kijila kiâ ki nangenena mu miji iâ ioso.

Ijila 18:21

Kana kukatula muhatu ku mbutu ia tundu momuʼé phala ku mu bhakula ku sata ia lubhandu lua dihamba dia Mulôko; Kikôla! Kiókio kuselula dijina dia Nzambi ié. Eme Jihova.

Loma 9:20

Maji eie nanhi, kamba diami, eie u muthu u kuata phata ni Nzambi? Manhi o imbia ia utuma ibhula ió ua i bhange, kuila: Eie ua ngi bhangela-hi kiki?

I Kolindo 10:20

Ki kiene ki ngambe! Maji ngambe kuma imʼ oio iene mú sata o matumbu, a i satela madimonho, ka i satela Nzambi. Eme-phe ki ngi mi mesena mu kala mu kisangela ni madimonho.

Matendelelu 18:10

Momué ki muà kale muthu usatela monʼê ua diiala mba ua muhatu, ni ku mu bhitisa mu túbhia; mba mu kala mukua kuzambula mizambu, mba mukua kusuma, mba mukua kulandula isuma, mba u kala muloji;

Matendelelu 32:17

Jisata a ji satela madiabhu, o Nzambi kana. Jinzambi jene jeza leluʼidi, mʼokulu ki ja monekene; jinzambi ka jʼijidile, jabhingi nuka a ji bhezele kuala jitata jenu.