Jisálamu 106:33 - O Mikanda Ikola

³³ mukonda a mu thathamesa o muẋima moxi, anga ni mizumbu iê u zuela lusolo, ki kiene kia tokala.

Jisálamu 106:33 ပူးပေါင်းရင်းမြစ်များ

Dimatekenu 30:1

Lakele-phe kia mono kuila Jakobo kala ku mu vualela ana, Lakele u kala ni dixinga dia phangʼiê; anga u ambela Jakobo, uixi: Ngi bhane ana; o ki u kamba ku ngi bhana ana, ngi fua!

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jobe 38:2

Nanhi muenʼiú uala ku xikelesa ikutu iami ni kuzuela ngó maka ma uoua?

Jisálamu 107:11

Mukonda a kitukila o maka ma Nzambi, Suke-ku kia a longo kilunji, nguauâ ku mu ívua.

Jisálamu 141:3

Ngana, langidila o dikanu diami; uinge o muelu ua mizumbu iami.

Jisálamu 39:1

Ngedile ngixi: Ngi di langa o kuzuela, phala ki ngi te kituxi ni dimi diami; dikanu diami ngi di kuta jingoji, kioso ki ngʼimana kumoxi ni muthu uabhukumuka.

Jisálamu 78:40

Lukuxi luosʼulu lua mu kitukila mu kikangalakata; a mu nhemuna jinga mʼoxi ia kukuta i bhekela o ngunzu!

Tiiaku 3:2

Kuma etu-ene oso, tuene mu tondajala mu ima iavulu. Uoso u kamba kudibhukana mu kuzuela, ió muene muthu uatenena, ua soko-bho o kukuika mukutu uê uoso.