Jisálamu 106:23 - O Mikanda Ikola

²³ Kia mu bhangesa kuila, uixi: Ngʼa buikisa; ua a bhana o muenhu Mozé, muthu uangene, uemana bhu kaẋi ni ku a diondela, katé o njinda iê ua i lungulula iela muengi, iu ua fudisa o ku a buikisa.

Jisálamu 106:23 ပူးပေါင်းရင်းမြစ်များ

Jobe 35:8

O kikexilu kié kia ku kamba henda ki tena ngó ku bhanga kia ibha ku muthu ni mukuenu kala eie; o kuiuka kué kuzediuisa ngó monʼa muthu.

Jisálamu 105:26

U katula Mozé, selevende iê ua mu tungula, kumoxi ni Alá a mu bhana kukala-nê.

Jisálamu 105:6

Enu, mu alulu a Mbalahamu, selevende iê, enu mu anʼa Jakobo, a mi sola.

Makatukilu 32:32

Ki alʼiki, a loloke Ngana, o kituxi kiâ. Se ki ki ẋikina, eme uami ngi jimune, nga ku diondo, mu divulu dié di ua soneka.

Jelemiia 5:1

Jingujukenu mu jinzunga ja Jeluzaleme, dimueninu kiá, mu tokuesa muene, bhitenu mu jisengu jonéne, mu mone mba mu sanga-mu muthu, mba muala ngó o muthu umoxi u kumbidila o kuiuka, mba u sota o kidi; eme inda ió ngi mu loloka.

Izekiiele 13:5

Mu misula ki mu bande-mu, mba mu xita muoso mua budika ku dibhata dia Izalaiele phala ni mu tena kuimana ku mvunda bhu kizuua kia Jihova.

Izekiiele 20:8

Maji ene a ngi ẋinukina, nguâ ku ngʼivua; o maufusa oso a a uabhelele ku mesuʼâ ki bhu kexile ngó muthu uandalele ku a texi, mba kuxia o iteka ia Ijitu; bhenhobho-phe ngixi o njinda iami ngi i lundulula ku thandu diâ-ene, phala o kutema kuami ni kutenene kua ene mu kaxi ka oxi ia Ijitu.

Izekiiele 22:30

Eme nga sota muthu mu kaxi kâ u tena o kuxita o kimbaka nʼa kale bhu kaxi kami ni dizungu dia budika ku kimbaka mu ixi iii, phala eme ki ngi i jikinise; maji nga mu lémbua.

Dialuilu 16:5

anga u zuelela Kola ni kionge kiê kioso, uixi: O mungu, mu kimenemene, o Jihova muene ua-nda kuijidisa uoso o uê ua mu tokala, ni ió uoso uazele, uoso Muene ua-nda ku mu bhiẋidisa kokuʼê.

Matesu 12:18

Talesa selevende iami nga mu solo; mukua henda iami ua ngi uabhela muẋima; ngi ta Nzumbi iami ku thandu diê, a kà bheke kufundisa kua kidi ku matumbu.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Nzuá 15:19

Se enu mua tokalele ku mundu, o mundu ueji kuzola o kiê. Maji mukonda ki mu tokala ku mundu, mbata eme nga mi tungula ku mundu, kiene mundu ki ua mi zembela.

Matendelelu 10:10

Kienhokio-phe nga kexile dingi ku mulundu mu makuinhi auana a makumbi ni makuinhi auana a usuku, kala ki nga bhangele mu izuua ia dianga; o Jihova luenholo anga u ngʼivua dingi; iu ua fulu ku mi jima o mbutu.

Matendelelu 9:19

Mukonda uoma ua ngi kuatele muene, ki nga mono kioso kia thathamana Jihova, ni kuila uixi: Ngʼa jima o mbutu. Maji tata-phe, kienhokio Jihova ua ngʼivu hanji dingi luamukuá.

Matendelelu 9:25

Anga ngi fukama bhu pholo ia Jihova mu makuinhi auana a makumbi ni makuinhi auana a usuku, mukonda Jihova uambele kiá ku mi buikisa.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.