Jisálamu 105:8 - O Mikanda Ikola

⁸ Kikutu kiê nuka ki mu jimba katé ku hádia ni hádia; o kizuelu kiê ua ki tendelela ni ku midi ia miji.

Jisálamu 105:8 ပူးပေါင်းရင်းမြစ်များ

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Dimatekenu 26:3

Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;

I Malunda 16:15

Jijilenu kulembalala o kikutu kiê, ni kizuelu kiê kia soneka phala midi ia miji;

Nehemiia 1:5

Ngixi; Ngana tata, u Nzambi ia diulu, Nzambi ia dikota, u kuatesa uoma! Uene mu bhaka o kikutu ni kulendukila ió oso a kuzola anga a bhaka o ijila ié;

Jisálamu 105:42

Kuma kizuelu kiê kikôla ua ki te muẋima; ni Mbalahamu, dia selevende iê.

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 111:5

U bhana mbole ia kúdia kua ió a mu kala ni uoma; o kikutu kiê nuka ki mu jimba.

Jisálamu 111:9

Ua tumu kukula o mundu uê, iu ua te-nâ o kikutu ki nangenena ki ki bhu; o dijina diê di kôla, di kuata uoma!

Makatukilu 2:24

Nzambi kioso kievu o kukema kuâ, u lembalala kikutu kiê kia ta jinga ni Mbalahamu, ni Izake ni Jakobo.

Jelemiia 11:5

bhenhobho-phe nʼeme bhene bhu nga-nda ku di ẋikinina o ku kumbidila muloko u nga lokele, ku jitata jenu kuila hinu ngʼa bhana oxi i zunzumuka lete ni uiki, kala ki mua mu ki mona leluʼidi. Eme bhenhobho nga kumbulula, ngixi: Èué, Jihova tata!

Daniiele 9:4

Anga ngi dionda Jihova Nzambi iami, nga di fisala, ngixi: U Nzambi ionéne, u kuatesa uoma! Eie uene mu kukumbidila o kikutu, u mukua ku kuatela henda kua ió oso a ku zola, hé aiuka o ijila ié;

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Matendelelu 7:12

Kià kala-phe kuila, enu o ki mu ivua o mabatuiluʼama, se mu ma bhaka kididi, anga mu ma kumbidila, ni Jihova Nzambi iénu ua-nda kusuina dingi kiengi mu ku kumbidila o kikutu ni kuenda ni ku mi bindumuna kiambote kala kia lokela jitata jenu.

Matendelelu 7:8

Jihova muene-ku ua mi te muxima kuma ua mi zola, mu ku kumbidila o muloko uê ua lokela jitata jenu; Jihova iu ua mi katula ni lukuaku luê lua suina, iu ua mi kula ku dibhata dia ubhika ku mua kexile, bhu lukuaku lua Falaó, sobha ia Ijito.

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.

Josuué 21:43

Jihova, mu ku bhanga kiki, ua bhana muene oxi ioso kua anʼa Izalaiele, ia lokelele o ku i bhana ku jitata jâ, o ene anga a i ívua muene, a tunga momo.