Ni mabatuilu, ni jingonge, ni itumu, ni ijila ioso ia mi sonekena, ki bhinga mu kala ni muanu ua ku i aiuka izuua ioso; kana ku teketela jinzambi jengi.
Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.
Kienhiki-phe, Josuué oxi ioso iii ua i tambula; kia bhiti muene kala kioso kia tangele Jihova kua Mozé; Josuué iu ua i bhana anʼa Izalaiele mu ubhinganu, ku jimbambe-jimbambe, ni ku miji-miji. Oxi hé i zumbuka kiua o ku dílua ita.
Talesenu kioso ki nga mi uanena o ifuẋi ioso iasubhukile tundé ku Njolodá, ni ifuẋi ioso i nga tolola, katé ku musanza uonène, kuene ku tundila o dikumbi; eme ngedi, o mu uana, kala muiji mudienu kioso kia mu xindi o hasa iê.
Hé ngiia o ixi nga mi bhana-iu, maji kʼenu mua kalakala-mu o ima ioso i mua sange-mu, mabhata nga mi bhana-u, maji kʼenu mua a tungile; enu mua tungu mu mabhata muenhomo, muadi ku milenga iâ ia mivide ni ia midiva, maji enu kʼenu mua i phaphe.
Kiene kiua ki nga mi bheka mʼoxi ia Mamodi, a tungile ku sámbua koko dia Njolodá. Enhá-phe a bhangele nʼenu, maji eme-phe nga mi tula-u bhu lukuaku luenu, enu anga mu vua o ixi iâ, ene ia nga a buikisa ku mesu enu.
Kutunda mu kubhitisa Phasu, ki kuáki a dia kiá ku idima ia mavu a Kanana, ni jimbolo ja kambe kifulufulu kia kinanesa, ni masa óuohe, kizuua kienhókio.