Jisálamu 105:24 - O Mikanda Ikola

²⁴ Muene anga u sokolola kiavulu o muiji uê, hé u a bhana kukala ni nguzu, o jinguma jâ ndenge.

Jisálamu 105:24 ပူးပေါင်းရင်းမြစ်များ

Dimatekenu 13:16

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Dimatekenu 46:3

Nzambi anga u kuata ku mu zuelesa, uixi: Eme Nzambi, Nzambi ia tatʼenu; kana kukala ni uoma ua kukulumuka ku Ijito; kuma nga kà ku sokolola koko, u di bhanga u kifuẋi kia dikota.

Makatukilu 12:37

Anʼa Izalaiele anga a katuka bhu Lameseji, a ta kibangu bhu Sukote; o ku a alula a tena hama jisamanu ja jimidi; mala ngó akua kuenda bhoxi, o anʼa ndenge ka a te-mu.

Jipoxolo 7:17

Kia zukama-phe mu thembu ia Nzambi kukumbidila o kikutu kia tele ni mulôko bhu kaxi kê ni Mbalahamu, o mundu uetu u kula anga u sokoloka kiavulu mu Ijitu.

Matendelelu 26:5

eie-phe anga u di hambelela kua Jihova Nzambi ié, uixi: Ku tanga o kidi, tatʼetu kia kexe mu Sídia, uakexe sébhue ngó, iú ua kulumukine mu Ijito, anga u kuata kubunganena muenhomo ni kafamília kófele ngó, kala nzuángiza ia hatu; o kuenhoko kuene kiá kua sokolokela, iú ua di bhange kifuẋi kiònene ni mu kusuína, ni mu kuvula.

Jihebeleu 11:12

Uila kiki, ku muthu umoxi, o muène mukua ni kuila uafu kiá, kua sokoloka mundu, mu kuvula a sokela ni jithethembua ku diulu, ni kisekele ku mbandu ia kalunga, o ku a kondala ki ku xikina.