Jisálamu 105:16 - O Mikanda Ikola

¹⁶ Uexana o nzala, hé iiza hanji mʼoxi; o kúdia kua kexe mu kudia ua a katula-ku.

Jisálamu 105:16 ပူးပေါင်းရင်းမြစ်များ

Dimatekenu 41:54

Anga a mateka ku sambuadi dia mivu ia nzala, kala kia tangele Zuze; ku jixi joso anga ku kala nzala, maji mʼoxi ia Ijitu-phe kudia sai.

Dimatekenu 47:13

Kúdia-phe ki kua moneka mungongo ioso, kuma o nzala ia vudile kinéne; mu ixi ia Ijito ni mu ixi ia Kanana o mundu uia ni ku senduka mukonda dia nzala.

Dimatekenu 47:19

Tu fuila-hi-phe bhu mesuʼé, ni etu ni jixi jetu? Tu sumbe kiá ni etu ni jixi jetu mu kúdia, ni etu ni jixi jetu tu kale tu abhika a Falaó; tu bhane ue mbutu, tu laie, ki tu fue, o ixi ni i kituke ngundu ia hatu ngoho.

II Jisobha 8:1

Ilizeu hé u zuelela dingi o muhatu ió uavu monʼê ua mu phaphumuine kuʼalunga, uixi: Balumuka, uie, nʼeie ni akuaʼnzu ié, mu kunhungana kuoso ku u tena o kunhunganena, mukonda Jihova uexana nzala, nzala ia-nda kuiza mu ngongo mu sambuadi dia mivu.

Jisálamu 104:15

ni vinhu phala muẋima ua muthu u sanguluke, ni maji phala pholo iê i lelame, ni musa phala a kale ni nguzu mu mukutu.

Izaía 3:1

Talesa-ze, kuma Jihova, Nzambi ia Ilômbo Ieta, o mbangala ni dikoue mu Jeluzaleme ni mu Juda ua-nda kua kà i katula-mu, ni huta ioso ia kúdia, ni kixima kioso kia menha a kúnua.

Izekiiele 4:16

Bhenhobho iú ua ngi tangela, uixi: Eie monʼa muthu, tala: O huta ia mbolo, mu Jeluzaleme, nga-nda ku i bhanga kuila iia ni kulungujuka, ki i kala ukalelu umoxi, anga o mbolo ia kúdia i bhinga ku i pezala, maji ni dilamba, o menha a kúnua a kà a zonga ue mu nzôngo, maji ni kukakuka.

Ijila 26:26

O kioso eme ki nga-nda ku mi sondolola o huta ia kúdia, bhuala-phe o kuinhi dia muhatu mbolo iâ a i kangela forno iâ imoxi, anga i bhinga ku i uanena ku pezo; bhenhobho-phe o ki mudia ki muikuta.

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Ajeu 2:17

Eme nga mi kuama mu ikalakalu ioso ia maku menu ni hâmba ni muanha, ni fuluju, ni mvula ia matadi, maji né ngó muthu umoxi muʼaxaxi kenu ua vutuka kokuami, Eme ngi Jihova.

Jipoxolo 7:11

Kieniokio-phe kukala nzala i bhita mʼoxi ioso ia Ijitu, ni ia Kaná, ni phaxi iavulu! Jitata jetu kà muene kudia.

Dijingunuinu 6:8

Ngedi ngi tala, kua moneka kabalu ka mukète. O ua mondala-ku ʼjina diê Kùfua, o kuema diê kua mu kaiela Kalunga-Ngombe. Enhá anga a a bhana ukota ua mbandu ia kauana mu ngongo, phala kujibha ni ita, ni nzala, ni dibhe-bhu, ni ku iama i kuama iene mu mikáu mu ngongo.