Jisálamu 104:4 - O Mikanda Ikola

⁴ Muene, jiphunga jê ja katula, o milenge; o makuenze mê, milengo ia túbhia.

Jisálamu 104:4 ပူးပေါင်းရင်းမြစ်များ

II Jisobha 2:11

Anga ki bhita-phe kuila, kioso ene kia muia ni kuenda ni kuzuela, a tukumuka dikalu dia túbhia ni jikabalu ja túbhia, dia a muangununa muthu ni muthu kua mukuá, o Elija anga u banda ku diulu, a mu zangumuina nu kitaphephe.

II Jisobha 6:17

Ilizeu hé u samba, uixi: Nga kudiondo, Jihova, mu jikule mesu phala a mone. Jihova anga u jikula o mesu a mubhika, muene hé u mona; u tula mulundu uoso uezala jikabalu ni makalu a túbhia ku jimbandu joso ja Ilizeu.

Jisálamu 148:8

Túbhia ni matadi ma mvula, neve ni mbundu, kitembu kia kibhungu, iene ioso i kumbidila o kizuelu kiê.

Izekiiele 1:13

O ku tala o iama ienhiʼii, o kidifua kiâ ela kala makala a túbhia a uama, a di fuangana makongolo a túbhia; o túbhia tuia ni kubhilajaka mu kaxi ka iama, anga o túbhia tuia ni kubenha, o mu túbhia mu tunda jinzaji.

Zakadiia 6:5

Anju anga u ngi vutuila, uixi: Iá, iene itembu i uana ia diulu, iala mu ku tunda ku ia kexile bhu pholo ia Jihova uavu ixi ioso.

Jipoxolo 23:8

Kuma o jisaduzeu akua kuila exi: ki kuene kufukunuka kua madifundu, ki kuene jinzumbi, ki kuene ji-anju. Maji o jifalizeu ima ioso iii a i xikana, exi sai.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Jihebeleu 1:7

O mu ku tanga o ji-anju-phe, Nzambi, uixi: Nzambi ua bhangesa ji-anju jê kubiluka kitembu, o akua-mbele iê, mulengu ua tubhia.