Jisálamu 104:34 - O Mikanda Ikola

³⁴ O kubanza kuami kua muẋima kua muene, ku kale kua kusanguluka; ngi sangulukila jinga kua Jihova.

Jisálamu 104:34 ပူးပေါင်းရင်းမြစ်များ

Dimatekenu 24:63

Izake anga uia mu mukáu mu kuxinganeka mu kumbi dia ngoloxi; anga u bhetula mesu u mona mu njila muala kuijiia jikamelu.

Jisálamu 1:2

Muene-phe o ngalasa iê u i sanga mu ngonge ia Jihova; o ngonge iê iene ia banza mu muanha ni mu usuku.

Jisálamu 105:3

Di fiiadienu o dijina diê dikola; muẋima uâ u tane, oso bhindamena kuijiia Jihova.

Jisálamu 119:111

Umbangi ué uene u nga tambula kuma undundu uami sé thembu, mukonda uene ua ngi bhana o kusanguluka mu muẋima.

Jisálamu 119:167

O muenhu uami uene mu kualuka o umbangi ué; kuma uene u nga bhindamena kiavulu.

Jisálamu 32:11

Tanenu-ku kua Jihova, mu sanguluke enu mua iukila mu njila; imbenu ni ngalasa oso muemana muẋima nzanza.

Jisálamu 35:9

Eme-phe muẋima uami u sangulukila mua Jihova; ngi tana, mukonda dia muene ku ngi bhulula.

Jisálamu 77:12

Ngi xinganeka ue ku ima ioso i uene kuiudika, ngi ta muẋima ku ukalakelu ué ua madiuanu!

Jisálamu 9:2

Ngi sangulukila mo mué, ngi tana ni ngalasa; ngimba mu kuximana dijina dié, eie u Suke-ku!

Jisabhu 24:14

Kienephe ki touala ue o unjimu mu muenhu ué, se ua di longa-u; se ua u kuata, ua-nda ku ku xila kuzediua, o bhuoso bhu ua jika muẋima ka ku kakula-bhu.

Luka 1:47

o nzumbi iami ia sanguluka mua Nzambi, Kibha-muenhu kiami.

Filipe 4:4

Enu-phe, sanguluka jingʼ enu mua Ngana. Ngi tona o ku ki zuela: Sangulukenu!

Dijingunuinu 10:10

Anga eme ngi tambula o kadivulu bhu lúkuaku lua anju, hé ngi ka dia. Mu kanu nga dʼivu dia touala muene kala uiki. Maji ki nga zubha ku di dia, mu mala mua ngi lulu.