Jisálamu 104:30 - O Mikanda Ikola

³⁰ Eie-phe kioso ki u a tumikisa ngó o Nzumbi ié, jixitu jiza dingi; kienhiki mu ngongo mueza dingi mienhu iengi, ngongo anga i fukuluka dingi kiengi.

Jisálamu 104:30 ပူးပေါင်းရင်းမြစ်များ

Jobe 12:10

Kuila o muenhu ua ima ioso i bhuima, uala bhu lukuaku luê, ni nzumbi joso ja mbutu ia muthu?

Jobe 26:13

O diulu ua di kembesa ni Nzumbi iê; O lukuaku luê luene lua iudika o kinhoka ki di nhonga jihata.

Jobe 33:4

Nzumbi ia Nzambi iene ia ngi bhange; o mulenge ua Muteni-a-Ioso uene ua ngi bhana o muenhu.

Jisálamu 33:6

Kizuelu kia Jihova kiene kia bhanga o diulu; kifuẋi kioso kiala-ku kiejila ku muha ua dikanu diê.

Izaía 65:17

Talesa, kuma eme ngi iudika kiá maúlu mobhe ni oxi iobhe; o ima ia bhiti kiá ki bhu kala dingi ku i banza, né ngó kuiza mu kilunji, lémbua.

Izaía 66:22

Kuma, mukuâ ni maúlu mobhe, ni oxi iobhe, i nga-nda kuiudika, a xalela bhu pholo iami, eme ngi Jihova, kiene ue kia kà xalela o mbutu ienu ni dijina dienu.

Izekiiele 37:5

O Jihova Nzambi ua tange kiki ku ifuba iii, uixi: Talesenu, nga-nda ku bokuesa o nzumbi momuenu, anga muiza dingi ku muenhu.

Izekiiele 37:6

Nga kà ta dingi o mixibha ku thandu dienu, hé ngi bhangesa kuila o xitu i sabhuka dingi ku thandu dienu, anga o ku thandu dienu nga kà zala-ku dingi o kikonda, hé ngi tá o nzumbi mʼoxi dienu, anga mua kʼèza dingi ku muenhu, nda mu kʼijiie kuila emeʼeme ngi Jihova.

Izekiiele 37:9

O muene anga u ngʼambela, uixi; Zambula ku nzumbi, zambula eie monʼa diiala, tata, u tangele o nzumbi, uexi: O Jihova Nzambi uambe kiki: Eie u nzumbi, tundila mu itembu i uana iaʼxi, nda u bhuselele ku thandu dia imbi iii, phala eze dingi ku muenhu.

Efezo 2:1

Mʼukulu enu mua kexile mu afi mu nzumbi mukonda dia kuxibhaka kuenu kua Nzambi ni mukonda ue dia ituxi ienu.

Tito 3:5

Muène o ku tu bhulula, ki kia kaiela mu imbamba ia kuiuka kuetu i tua bhange etu, maji mu kulenduka kuê muène. O ku dibônzo diê, iú ua tu zelesa ni Nzumbi iê Ikôla mu ku tu vualulula dingi ni ku tu bhana muenhu ua ubhe.

Dijingunuinu 21:5

Bhenhobho, muène ua xikama bhu kiandu, anga u zuela, uixi: Kindala ima ioso nga i bhangulula ku ubhe! Hé u ngʼambela, uixi: Kiki soneka-kiu! Kuma maka iá a kidi, a tokala ku a dielela.