Jisálamu 104:15 - O Mikanda Ikola

¹⁵ ni vinhu phala muẋima ua muthu u sanguluke, ni maji phala pholo iê i lelame, ni musa phala a kale ni nguzu mu mukutu.

Jisálamu 104:15 ပူးပေါင်းရင်းမြစ်များ

Dimatekenu 18:5

Ngi mi bhekela kambolo, mu kale dingi ni kanguzu mu mukutu phala mu somboke kiua; kuma kiene ki muejila katé kunu kua mubhikʼenu. Kuala ene: Bhanga-kiu, kala ki ua ki tange eie muene.

II Samuuele 13:28

Abisalone anga u tendelela makuenze mê, uixi: Alukenu kiambote, kioso ki mu mona muẋima ua Aminone ua mu sanguluka kiá ni vinhu, se muevu nga mi ambela kuila: Aminone mu tienu! Enu-phe mu mu jibha muene; ki mu kale ni uoma, kabasa eme muene nga ki tumu; kolenu maku, mu bhange undanda!

Jisálamu 105:16

Uexana o nzala, hé iiza hanji mʼoxi; o kúdia kua kexe mu kudia ua a katula-ku.

Jisálamu 23:5

Eie u ngi bhangela meza ku pholo, bhu mesu muene a jinguma jami; u ngi uaia o mútue ni maji; nganza iami iezala, ia ẋamuka.

Jisálamu 92:10

Eme-phe u ngi vudisila o nguzu iami kala ia phakasa; kuma eie ua ngʼundu ni maji mengi ma kindala.

Jisabhu 31:6

Kúnua ku kodiuisa bhanenu-ku ió oso a xikamena kiá o kufua, o vinhu bhanenu-iu oso ala mu kikote kia muẋima.

Jisabhu 31:7

Mbé anue, phala ajimbe o uadiama uâ, sembele o hadi iâ ka i lembalala dingi.

Ndongixi 10:19

Athu o kuolela ene mu dʼixanenaku; o vinhu i sanguluisa o muenhu; maji mu ima ioso o kitadi kiene ki zuela.

Ndongixi 8:1

Nanhi u soka ni njimu? Nanhi muene u soka ni ió uejiia? Nanhi uejiia kioso kia jimbulula o ima? O muthu uejiia ni pholo iê i lelama, o ku kolokota kua kikonda kia pholo ié, ku lunguluka muene.

Ndongixi 9:7

Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Izaía 3:1

Talesa-ze, kuma Jihova, Nzambi ia Ilômbo Ieta, o mbangala ni dikoue mu Jeluzaleme ni mu Juda ua-nda kua kà i katula-mu, ni huta ioso ia kúdia, ni kixima kioso kia menha a kúnua.

Izaía 55:10

Kala kisonoka o mvula bhoxi, ni neve kioso ki ia laúka ku diulu, ki i tena kuvutukila-ku dingi, kale itekela oxi, anga i bhekesa kuima, isabhukisa, hé i bhana o mbutu ku kidimakaji ua kunu, ni mbolo kua ió udia,

Jelemiia 31:12

Kienhiki-phe, a kèza hé a kà sanguluka bhu ditala dia Ziione, a kà lengela ku mbote ia Jihova, ku tidiku ni ku makúnua, ni ku maji, ni ku tumbudi, ni tungombe; anga muenhu uâ ua kèla kala jindombe jʼòtekele, ki mungu dingi enda ni mukondo.

Izekiiele 14:13

Monʼa muthu, kioso o ixi ki i ta kituxi kokuami, anga i ngi ẋinukina muene kiavulu, kuabhu-phe, eme ue nga-nda kusunununa lukuaku luami mu ku i bilukila, o huta ia kúdia nga-nda ku i bhanga kabilu-bilu hé o ixʼoio ngi i tumikisa o nzala, nda ngi vuza-mu o athu ni iama.

Izekiiele 4:16

Bhenhobho iú ua ngi tangela, uixi: Eie monʼa muthu, tala: O huta ia mbolo, mu Jeluzaleme, nga-nda ku i bhanga kuila iia ni kulungujuka, ki i kala ukalelu umoxi, anga o mbolo ia kúdia i bhinga ku i pezala, maji ni dilamba, o menha a kúnua a kà a zonga ue mu nzôngo, maji ni kukakuka.

Izekiiele 5:16

Kioso eme ki nga-nda ku a asa o misongo ia nzala i kuatesa uôma, phala o dibuikilu diâ, o misongo i nga-nda ku mi asa muene phala ku mi jima o mbutu, anga o nzala ngi i vudisa ku thandu dienu, o huta ia mbolo hé ngi i bhanga kabilu-bilu.

Ijila 26:26

O kioso eme ki nga-nda ku mi sondolola o huta ia kúdia, bhuala-phe o kuinhi dia muhatu mbolo iâ a i kangela forno iâ imoxi, anga i bhinga ku i uanena ku pezo; bhenhobho-phe o ki mudia ki muikuta.

Zakadiia 10:7

Anga akua Ifalaíme a kà di bhanga iiala ia mazonda; o muẋima uâ ua kà sanguluka muene kala muthu Uanu vinhu; o mu ku ki mona, anʼâ a kà sanguluka; o muẋima ua kà kala ni kutana mua Jihova.

Marku 14:23

Anga u katula o kopho, ki a zubha kusakidila Nzambi, u a bhana, ene oso ia anu-ku.

Luka 7:46

Eie ku ngi uaie mútue ni maji. Muène-phe ua ngi uaie inama ni nguendu.

Efezo 5:18

Kana kukodiua ni vinhu, mukonda i mi bhekela kutexika. Kota mu izale ni Nzumbi ia Nzambi.

Matendelelu 28:40

Mu mikáu ié ioso midiva ukala na-iu muene, maji-phe o maji a kuuaia u a tokoka, kutena ku a mona, mbé o ibundu ia midiva kuenda ni kulalumuké ngó iene mu konda ié.

Matendelelu 8:3

Muene ua mi bateka, ua mi ehela kukala ni nzala, iu ua mi disa ni maná, enu nuka mua ijidile, né jitata jenu ue ka ijidile; phala ku mʼijidisa kuila muthu ka laiela ngó ku mbolo, maji ku ima ioso i tunda ku dikanu dia Jihova kuene kulaiela o muthu.

Jihebeleu 1:9

Eie o kuiuka ua ku zola, usueia ua u zemba. Mukonda dia kiki, Nzambi, Ngana Nzambi ié, kiene kia ku solela, iu ua ku undu ni maji ma ngalasa, ni kijingu, akuenu oso ndenge.

I Nzuá 2:20

Maji enu-phe Kristu ua mi lunduluila o Nzumbi Ikôla ku thandu dienu, enu muejiia enhoso o kidi.

Afundixi 19:5

Kúkia ni kimene, mu kizúua kia kauana, a di meneka, muene uixi: Ngi katuka kiá. Ukouakime-phe, u ambela holomʼié, uixi: Diáula hanji kakúdia, u sunge nguzu u katuke kiua.

Afundixi 9:13

Kuala muvide-phe, uixi: Kifuá ngi xia o vinhu iami i bhekesa kusanguluka ni Nzambi ni athu, ni ngiie mu bhekela ngó ku thandu dia miẋi?

Afundixi 9:9

Kuala mudiva-phe, uixi: Kifuá ngi xia maji mami ma fumana ni kua Nzambi ni kua athu, ni ngiie mu kubhekela ngó ku thandu dia miẋi?