Jisálamu 103:18 - O Mikanda Ikola

¹⁸ Ala na-kiu ió a kuata kualuka o kikutu kiê, ni iá a xinganeka o ijila iê nʼa i tumaka.

Jisálamu 103:18 ပူးပေါင်းရင်းမြစ်များ

II Malunda 34:31

Sobha, bhu kididi kiê, anga u balumuka, uimana hé u ta kikutu bhu pholo ia Jihova, phala kukaiela jinga Jihova, ni kualuka o ijila iê, ni kubhaka o maumbangi mê, ni jingonge jê ni muẋima uê uoso ni muenhu uê uoso, ni kutumaka o maka moso ma kikutu mʼòsoneke mu divulu dieneʼodio.

Jisálamu 132:12

Anʼé se aiuka o kikutu kiami ki nga a bhana, ni ijila iami ioso i nga-nda ku a longa, ni ku mululu ni ku mulaula nuka ku kamba mukua muiji ué, u xikama bhu kiandu kié, katé ku hádia ni hádia.

Jisálamu 25:10

Jinjila ja Jihova jene joso ja henda ni kidi; muene u di tuma ni ió oso a kuata kikutu kiê ni maumbangi mê.

Makatukilu 19:5

Kiki-phe, se mu tumaka muene dízui diami, se mu kuata o kikutu kiami, mu kala mu athu ami angene, mua di tungula ku miji ioso; kuma ioso mu ngongo eme muene ia ngi tokala.

Makatukilu 24:8

Mozé anga u katula o manhinga, u a sangela ku mundu, uixi: Talenu, manhinga ma kikutu, kia te Jihova ni enu, ku thandu dia maka osoʼá.

Jisabhu 3:1

Monʼami, ngonge iami ku i jimbe, o muẋima ué ubhake ijila iami.

Izaía 64:4

Mbata tundé mʼokulu kiluua a kʼivua, kiluua ki tetuluka mu mátui, kiluua mesu ue a mona Nzambi iengi, kalʼeie ngó, u Nzambi uene kukalakela uoso u kinga kua muene.

Dialuilu 15:40

Inda mu banza jinga kukuata o ijiia iami ioso, mu kale mu athu angene a Nzambi ienu.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Jipoxolo 24:16

Mukonda dia kiki, nga kuata muanu ua kukala ni muẋima ua kambe o kuêla, ni kua Nzambi ni ku athu, izuua ioso.

Matendelelu 4:23

Alukenu-phe, kana kujimba o kikutu kia te Jihova Nzambi ienu nʼenu; kana ku di songela kiteka kioso-kioso, mba ilúmbua ia ima ia mi kidika kuala Jihova Nzambi ienu.

Matendelelu 7:12

Kià kala-phe kuila, enu o ki mu ivua o mabatuiluʼama, se mu ma bhaka kididi, anga mu ma kumbidila, ni Jihova Nzambi iénu ua-nda kusuina dingi kiengi mu ku kumbidila o kikutu ni kuenda ni ku mi bindumuna kiambote kala kia lokela jitata jenu.

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.