Jisálamu 103:11 - O Mikanda Ikola

¹¹ Mukonda kia di leka maúlu ku thandu dia xi, kiene kia soko jihenda jê ja kuatela ió oso a mu kala ni uoma.

Jisálamu 103:11 ပူးပေါင်းရင်းမြစ်များ

Jobe 22:12

Manhi Nzambi kala ku thandu dia maúlu? Tala ditala dia Jithéthembua! Ku di leka kuahi ngó!

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Jisálamu 117:2

kuma jihenda jê javulu ja tu kuatela; o kidi kia Jihova kiemanenà-ku katé ku hádia ni hádia. Ximanenu Jihova.

Jisálamu 31:20

Kuma hinu eie u a sueka kididi kiakondama, bhu mbandu ia kinama kié, mukua kukanena phulu ka a mono dingi; eie u a bhaka muene mu balaka ié, kevu dingi jimvunda ja kutangelela.

Jisálamu 36:5

O kulenduka kué, u Jihova, kua tuta ku diulu; o kukumbidila kué ku bhixila ku matuta,

Jisálamu 57:10

Kuma o henda ié ia dikota, i bhixila ku madiulu; o kidi kié ki suka muene katé ku matuta.

Jisálamu 89:2

Kuma nga mono o jihenda jé ja tunguia muene katé ku hádia; o ufiiele ué ki u budika dingi, ua kuata kala kia kuata o diulu.

Jisabhu 25:3

Kia di leka o maúlo, kia zongo o ixi, kiene ue kia zongo o muẋima ua jingana u bhonza kuijiia ioso iala-mu.

Izaía 55:9

Kala kia di-leka maúlu kuthandu diaʼxi, kiene kia di-leka jinjila jami, ji ja tundu o jinjila jenu, o mabanzelu mami ue ia a tundu o mabanzelu menu.

Luka 1:50

O henda iê ia kalé ku miji ni miji ku thandu dia iá oso a mu xila.