Jisálamu 102:28 - O Mikanda Ikola

²⁸ Anʼa selevende jé a kala bhua kondama, a tunga, a soma, o mbutu iâ ki ia kà bhua bhu pholo ié.

Jisálamu 102:28 ပူးပေါင်းရင်းမြစ်များ

Jobe 10:5

Mbebhu o izuua ié iene imoxi ni izuua ia muthu mukua kúfua? Inga mivu ié ia soko ni mivu ia muthu?

Jisálamu 89:4

Ngixi o mbutu ié i laia muene ni ku hádia ni hádia; kiandu kié ngi ki tunga ni ki nangenena, kutunda muiji kuiza muiji. (Selah.)

Izaía 41:4

Mukuahi-phe ua bhange kiki, uexana o miji phala i kuate o kulaia tunde ku dimatekenu? Eme ngi Jihova; nga dianga, eme-muène ngala ue kumoxi ni iá a sukidila-ku; eme-muène, muene!

Izaía 43:13

Mʼokulu, kioso kiluua ku kala ngó kizuua, eme ngeniami kiá; ki bhuala u tena kukatula muthu bhu lukuaku luami; o ki ngi bhanga eme, mukuahi u ki fudisa?

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Izaía 65:22

Ene ka kà tunga phala akuâ engi kukala-mu; ka kà phapha phala athu engi ku i dia; mbata o izuua ia mundu uami ia kà soka ni izuua ia ukudilu ua muxi, ni athuʼami òsole a kà kemba ni ikalakalu ia maku mâ katé mu ukukilu.

Izaía 66:22

Kuma, mukuâ ni maúlu mobhe, ni oxi iobhe, i nga-nda kuiudika, a xalela bhu pholo iami, eme ngi Jihova, kiene ue kia kà xalela o mbutu ienu ni dijina dienu.

Malakiia 3:6

Mbata eme, eme Jihova, ki ngaʼaluluka; mukonda dia kienhiki, enu mu anʼa Jakobo, ki muà ka buika enuʼoso, kana.

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.