Jisálamu 102:26 - O Mikanda Ikola

²⁶ Hádia ene a budika, eie-phe hanji u nangenena; a kà kuka muene kala kizuatu, ki bhinga ku ki zula, ua kà a futa-futa muene kala dikoza dia dibeka.

Jisálamu 102:26 ပူးပေါင်းရင်းမြစ်များ

II Jisobha 19:15

Ezekiia bhenhobho anga u samba bhu pholo ia Jihova, uixi: Ó Jihova, Nzambi ia Izalaiele, tata! Eie ua tunga mu kaẋi ka jixelube; eie muene ngó ubhekʼèlele ué! Kuma Eie ngó u Nzambi ia miji ioso Kulu dia Mundu; eie uà bhanga o diulu ni ixi!

Jobe 38:4

Eie ua kexile kuebhi kioso eme ki nga te madisesa ma ixi? Ngi tangele-kiu hanji se eie uejiia muene.

Jisálamu 102:12

Eie-phe, u Jihova, u nangenena katé ku hádia ni hádia; kuma thembu ieza-bhu, ia ku mu xinganeka, ua bhixila kiá bhu thembu i ua mu xindi.

Makatukilu 3:14

Nzambi anga u ambela Mozé, uixi: Eme kala-dia-kala, uixi: Ua kèla kua anʼa Izalaiele kuma: Kala-dia-kala muene ua ngi katula, iú ua ngi tumu ko kuenu.

Izaía 34:4

O ilômbo ioso iene bhulu ia kà buika, o maulu má kà di-futa-futa kala ndunda ia divulu; kilômbo kiê kioso anga ki laùka kala ki laúka dife ku muvide, mukua ni ki sonoka o kibundu ku mufiku.

Izaía 51:6

Bhetulenu mesu menu ku maúlu, zongolenu mu ngongo bhoxi: kuma maúlu ma-nda kujimuka-ku kala dixi, oxi ue ia-nda kukuka mukuâ ni kizuatu; oso a tunga-mu a-nda ku di-fuila kiòmuene kala ki fua o jihamue; maji o ubhulukilu uami ua kà xalèla-ku, o uiukilu uami ki u xikina ku u buisa-ku.

Izaía 65:17

Talesa, kuma eme ngi iudika kiá maúlu mobhe ni oxi iobhe; o ima ia bhiti kiá ki bhu kala dingi ku i banza, né ngó kuiza mu kilunji, lémbua.

Izaía 66:22

Kuma, mukuâ ni maúlu mobhe, ni oxi iobhe, i nga-nda kuiudika, a xalela bhu pholo iami, eme ngi Jihova, kiene ue kia kà xalela o mbutu ienu ni dijina dienu.

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Luka 21:33

O diulu ni oxi di bhue-ku, o maka mami-phe ki ma kà bhua.

Loma 8:20

Kuma o ibhangelu ioso ia buakuluka, kana mu vondadi iê, maji mukonda Nzambi muene ua ki bhangesa. Maji hanji-phe ia dielela.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Dijingunuinu 21:1

Kia zubha kubhita imʼiii, ngi mona diulu diòbhe ni oxi iòbhe. Mukonda o diulu dia diangele-ku, ni oxi ia diangèle-ku, ia bhiti; o musanza ue ki ua moneka dingi.