Jisálamu 102:2 - O Mikanda Ikola

² Kana ku ngi suekela o pholo ié, mu kumbi diami dia kutata; bheteka o dítui dié kokuami, kioso ki ngi ku ixana u ngʼivue muene lusolo.

Jisálamu 102:2 ပူးပေါင်းရင်းမြစ်များ

Jobe 34:29

Muene se nʼa bhana kutululuka, nanhi ua-nda ku mu elesa? Se o pholo iê u i sueka, nanhi u tena ku mu tala? Muene ulangidila o miji ni diembu katé ni muthu umoxi ngó.

Jobe 7:21

Phalaʼhi, kutondala kuami eie ngué ku ku loloka? kikuma kiami ngué ku ki katula? Kindala-phe nga-nda kuzekaʼmi kiá ku mavu, mu kimene ki u ngi sota, eme ki nga-nda ku kala-ku dingi.

Jisálamu 104:29

Ki u sueka pholo ié, a tata; ki ua a tambula o kubhuima, afua; kindala a biluka mavu.

Jisálamu 13:1

Mbambe bhebhi, Jihova tata? kifua ua ngi jimbila-ku? U suka katé bhebhi ni ku ngi suekela o pholo ié?

Jisálamu 143:7

Endelà-ku, Ngana, mu ku ngʼitaia, kuma o nzumbi iami ia botomoka; kana ku ngi suekela o pholo ié, mbé ki ngi kale kala athu a mu kutuka mu kina.

Jisálamu 17:1

Ivua, Ngana, o kidi, u Jihova tatuʼodio. Bhulakana musambu uami, ua ngi tundu ku mizumbu sé ngó makutu.

Jisálamu 22:19

Maji eie-phe u Jihova, kana ku ngi kala dikanga; endela-ku, Ngana, mu ku ngi banda, u mubhuludi uami.

Jisálamu 27:9

Kana ku ngi suekela o pholo ié. Ngi mubhikʼe, kana ku ngi kaia ni njinda; ua ngi kuatekesa jinga mʼokulu, ni kiki kana ku ngʼambudisa, kana ku ngʼehelela, u Nzambi iami ia kibhamuenhu!

Jisálamu 31:2

Ngi bhetekele o mátui mé, endelà-ku, Ngana, mu ku ngi bhulula; u ngi kale u ndánji iami iakolo, u di bhange mbonge ia nguzu i tena ku ngi kudila.

Jisálamu 40:13

Ki ku uabhele, u Jihova, o ku ngi kudila; endelà-ku, Ngana, mu ku ngi kuatekesa.

Jisálamu 69:17

Mubhikʼé kana ku mu suekela o pholo ié; ngʼivue muene kindala, kuma nga bhondalala kiavulu!

Jisálamu 70:1

Nga ku bhingi, Ngana Nzambi, izá lusolo mu ku ngi kudila; endelà-ku, u Jihova, mu ku ngi kuatekesa.

Jisálamu 71:2

Ngi kudile mu kutetuluka kué, u ngi katule mu iluezu; ngi bhetamene o dítui dié, u ngi bhulule.

Makatukilu 2:23

Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Makatukilu 2:24

Nzambi kioso kievu o kukema kuâ, u lembalala kikutu kiê kia ta jinga ni Mbalahamu, ni Izake ni Jakobo.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Izaía 8:17

Eme ngi dielela kua Jihova, muene ngi mu xikamena, sumbala o dibhata dia Jakobo ua a suekela o pholo.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.