Jisálamu 102:14 - O Mikanda Ikola

¹⁴ Mukonda, etu tu selevende jé, ni matadi mé ma tu kate, ni mavu mé henda ia tu kuata.

Jisálamu 102:14 ပူးပေါင်းရင်းမြစ်များ

Ejidala 1:5

Bhenhobho jitata ja mabhata ma Juda ni Bejamí anga a balumuka, ni jinganga ni jilevita ni oso kiá a a tonesa o nzumbi moxi kuala Nzambi, phala ku banda mu kutunga inzu ia Jihova iala mu Jeluzaleme.

Ejidala 7:27

Jihova, Nzambi ia jitata jetu a tane-ku! Ua lungulula muẋima ua sobha kala kiki! Phala ku kembesa inzu ia Jihova, ia kala mu Jeluzaleme;

Nehemiia 1:3

Anga ene a ngi tangela, exi; A xala koko, ku sengu, a kambele kuiza ku ubhika, ala mu hadi iavulu ni dilebhu; o kimbaka kia Jeluzaleme a ki bulu, o mabhitu mê a mʼoha mu túbhia.

Nehemiia 2:17

Bhenhobho-phe anga ngʼa tangela kiua, ngixi: Enu mua mono kiambote o uíndua mu tuala, kuma Jeluzaleme ua budijika, ni mabhitu mê ma jikata kuma a mʼoha mu túbhia; ndokuenu-phe tu tunge dingi imbaka ia Jeluzaleme, ki tu xikame kiki mu dilebhu.

Nehemiia 2:3

Anga ngʼambela sobha ngixi: Sobha lola muenhu ué ni ku hádia ni hádia! Abha eme ki ngi di suuata kiebhi o pholo, se o sanzala iala o kidindu kia jimbila ja jitata jami ia senguluka, ni mabhitu mê a mʼoha mu túbhia?

Nehemiia 4:10

Bhenhobho akua Juda, exi: Jingamba ja iokojoka kiá, ni fufutila iene iavulu, etu kimbaka ki tua-ndu tena ku ki tunga.

Nehemiia 4:2

Anga u zuela bhu pholo ia phange jê ni ia kilômbo kia masoladi a Samádia, uixi: Kima kiahi kia mu bhanga o asonde a akua Juda iâ? A-nda ku a ehela-ku muene? A-ndu tena muene kusatela? O kikalakalu a-ndu ki zubha mu kizuua kimoxi ngoho? O matadi mʼoha mu túbhia, a-nda balumuka dingi nʼeza ni muenhu ku maxita ma uthôkua?

Nehemiia 4:6

Kienhiki tu kuata kutunga o kimbaka, anga ki takana kiene kioso katé kaxaxi kê; mukonda muẋima ua kifuxi ua bhetamena o kukalakala.

Jisálamu 119:126

Dikumbi dieza kiá dia eie u Jihova kukalakala; kuma ene o ngonge ié a i somboka kiavulu.

Jisálamu 79:1

Ngana Nzambi matumbu a bokona mu undundu ué; o Tembulu ié ikôla a i fukula; Jeluzaleme a i bhange ibhela-ibhela ia jindunji ja matadi.

Izaía 14:1

Mbata Jihova ua kà kuatela Jakobo henda, u tona dingi kusola Izalaiele anga u a bheka mʼoxi iâ; jinzuángiza ue ja kà di bunda kumoxi ni ene, anga a kà di banda mu diembu dia Jakobo.

Izaía 40:2

Jeluzaleme mu tedienu maka ma mu kuatekesa muẋima moxi; mu tangedienu kuamba dinhengena dié diabhu-ku, kikuma kiê kiololoke kiá; o ituxi iê ioso, ua i tambuila kiá luiadi ku lukuaku lua Jihova.

Izaía 51:3

Mbata Jihova ua-nda kukonda malamba kua Ziione, o ididi iê ioso ia sekala muene ua-nda ku i konda malamba; ngûndu iê u i bhanga kala Edene, ngùnzu iê kala ki kala o díbhia dia Jihova; muenhomo mua-nda kukala kutana ni kusanguluka, kusakidila ni mbimbi ia kuimba.

Jelemiia 29:10

Mukonda Jihova uambe kiki: Ni kidi kiene, hádia ki mu zubha kutenesa makuinhi sambuadi a mivu mu Babilonha, nga-nda ku mi zungila, o kizuelu kiami kiambote kokuenu, nga-nda ku ki kumbidila muene, hé ngi tona ku mi bheka dingi bhu kididi kiki.

Jelemiia 30:18

Jihova uambe, kiki, uixi: Tala, uhutile ua jibalaka ja Jakobo ngi u bhuisa-ku, anga mabhata mê ngi ma kuatela henda; o mbanza iê a kà i tunga dingi ku thanduʼa ibhela iê iòkulu, o dizemba dia sobha dia kà kala kala ki dia kexile jinge.

Daniiele 9:16

Jihova tata, mukonda dia jihenda jé ja vulu kinéne, sondolola njinda ié ni kutemanana kuosʼuku ku ua tula ku thandu dia dibhata dié dikôla Jeluzaleme, uene ku mulundu ué uangene; mukonda o ki tualʼiki ituxi ietu, ni ikuma ia jitata jetu, iabheka môndo kua Jeluzaleme ni ku mundu ué, ala ku tu ta-u muene kuala athu oso u tua tunga-nâ a tu kondoloka mu jimbandu.

Lute 1:6

Nouemi anga u balumuka ni akaji a anʼê mu kutunda mʼoxi ia Mouabhe nʼa vutukise ko kuâ, kuma uevila mʼoxi ia Mouabhe kuila Jihova ua xinganeka mundu uê, iu ua a bhana kia kúdia.