Jisálamu 102:1 - O Mikanda Ikola

¹ Ngʼivue musambu uami, u Jihova, kudikola kuami ku bhixile ko kué.

Jisálamu 102:1 ပူးပေါင်းရင်းမြစ်များ

II Malunda 30:27

Bhenhobho, ni jinganga ni jilevita a balumuka anga a bhana o kizediuise ku kifuxi kioso; anga a evua o dízui diâ; kuma o musambu uâ ua bhixila muene katé mu kididi kikôla kia Nzambi, ku diulu.

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 143:4

Kala kiki, nzumbi iami ia xala mu kubhondalala, o muẋima moxi, ua ngi bhuuama!

Jisálamu 143:7

Endelà-ku, Ngana, mu ku ngʼitaia, kuma o nzumbi iami ia botomoka; kana ku ngi suekela o pholo ié, mbé ki ngi kale kala athu a mu kutuka mu kina.

Jisálamu 145:19

Muene u bhanga o vondadi ia ió oso a mu kala ni uoma; uívua nzongo iâ, ia kudikola, hé u a bhulula.

Jisálamu 18:6

O mu kubhondalala kuami anga ngʼixana Jihova, ngi dikola muene kua Nzambi iami; muene anga u ngʼivua dízui tunde mu Tembulu iê, kudikola kuami kua mu bhixila mu mátui.

Jisálamu 39:12

Ngʼivue Jihova, o musambu uami; bhana mátui uivue, Ngana, o kudikola kuami; ku kambe ku ngi suua o kisoxi kiami; kuma ngi musonhi ué, ngedi kala ngi nzuángiza, ngi ngenji ngó, kala kia kexile o jitata jetu enhoso.

Jisálamu 42:4

Kienhiki ngʼila ki xinganeka, muẋima moxi ua ngi botomoka; kioso ki nga kexe mu kuila kumoxi ni kifuxi, nga mu ia ni akuetu mʼonzo ia Nzambi, ni dízui dia ngalasa ni kuximana, tua vulu tuala mu bhanga fesa!

Jisálamu 5:2

Ivua dízui diami dia kudikola, u sobha iami, u Nzambi iami; kuma ko kue eie kuene ku nga lungu ni kusamba.

Jisálamu 61:2

Tunde ku maẋokololo kua suku o ixi ngi dikola ko kué, mukonda muẋima uami moxi ua ngi botomoka. Ngi bheke ku ditadi dia di leka dia ngi tundu.

Jisálamu 62:8

Enu mu mundu, di fiiadienu Nzambi mu thembu joso; lundululenu o mixima ienu kua muene; kuma Nzambi muene dilengelu dietu. (Selah.)

Jisálamu 77:3

Mu kuxinganeka Nzambi, ngi kuata kukema; kioso ki ngi kuata kubanza, nga-lu sota kusenduka. (Selah.)

Makatukilu 2:23

Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Kuditenda 3:44

Ua di jikila mu matuta, ua lenge misambu ietu, phala ki i ku bhixile.

Kuditenda 3:8

Bhu suske dia ku dikola, hé ngi ta mutendu, maji muene musambu uami u ngi xitila-u dibhitu.

Luka 22:44

Malamba mê anga u kumbama na-u, anga u samba dingi ni nguzu. O suualu iê anga i biluka kala matoxi ma makota ma manhinga, ma-la kuenda ni kumbomba bhoxi.]

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.

Afundixi 10:16

Anga a tubhula o jinzambi ja jixi jengi muʼaxaxi kâ, a kala mu bhikila Jihova; muene anga u kala ni muẋima ua kuxinganeka o kusebuluka kua Izalaiele anga u kala ni henda iâ.

I Samuuele 9:16

Mungu mu kumbi kala mumu nga-nda ku ku tumikisa muthu, mukua ʼxi ia Bejamí, eie-phe u mu unda ni maji, phala a kale mutuameneni ua mundu uami Izalaiele; muene uà bhulula o mundu uami bhu maku ma akua Fidíxia; kuma mundu uami nga a zambuila dingi mesu, eme nga a tongolola dingi, o ngololo iâ ia ngi bhixila.