Jisálamu 10:15 - O Mikanda Ikola

¹⁵ Bukula, Ngana, o lukuaku lua kisuéia ni lua mukua phulu; solokota muene o ituxi iâ katé ki u i zubha, hé u mona muene kuila ki ku xala dingi kima.

Jisálamu 10:15 ပူးပေါင်းရင်းမြစ်များ

Jobe 38:15

O mukengeji uê, u ila kuengi, ku akuetuxi a u katula-ku, o lukuaku lu zangumukina ku kuama, lu bukuka.

Jisálamu 3:7

Balumuka, eie u Jihova; u ngi kudile, Nzambi iami! Kuma jinguma jami eie ua ji bhana huxi ia pholo; o isuéia eie ua i bukula o mazu.

Jisálamu 37:17

Kuma akua phulu ió, a kà bukuka o maku; Jihova-phe u fikidila athu ua a mono kuiuka.

Jisálamu 7:9

Mukua phulu, Ngana, mu lembuese o phulu iê; maji mukua kidi-phe mu kuatese bhu kididi, a tunge a some; mukonda eie u Nzambi ia kidi, u mukua kutungula o ilunji ni mixima.

Jelemiia 2:34

Katé ni ku mixiku ia izuatu ié kuala ue manhinga a mienhu ia athu a kambele kikuma, ni a bhindama: ki ngi bhingile-phe ku kanda phala ku i sanga, kuma kia di monekena muene ku ima ioso iii.

Izekiiele 23:48

Mu kubhanga kiki, nga kà zumbula o kusembama kua ʼxi, mbé ahatu oso a a sake nʼa tambule-ku phangu, phala ka bhange dingi kala ki mua sembama enu ni uuaiʼiki.

Sofoniia 1:12

Anga kià kala-phe kiki: Mu izuuʼomo nga kà solokota Jeluzaleme ni tundeia, nga kà bhana kastiku ku athu a xikama ku mavunze a vinhu, anga a zuela ku miẋima iâ, exi: Kua Ngana ki kuizé kima. Kuma Jihova imʼii kene ku i suua, kuila ubhanga kiambote mba ubhanga kiaiibha.

Zakadiia 11:17

Lamba dié! mubidi ua kilalu, ua bhingi jimbudi u ji ehelela! xibhata ia kà ku tula ku lukuaku ni ku diesu dié dia kadilu! Lukuaku lué lua kadilu lua kà kukuta muene luene luoso, o diesu diê dia kèla muene babadi!