Jisálamu 10:14 - O Mikanda Ikola

¹⁴ Eie-phe ua ki mono; kuma u mukua kutala o ikalakalu ia athu ni malamba mâ moso; phala eie u ki kuate muene konda bhu maku mé; eie muene hinu u zuela ku mulonga uâ; kokué kuene ku di bhakula uoso ua lémbua kubhânga; eie muene u dilemba dia jihukunhi.

Jisálamu 10:14 ပူးပေါင်းရင်းမြစ်များ

Dimatekenu 21:17

Nzambi anga uívua dízui dia kamona; anjo ia Nzambi anga u handekela Hangale; dízui dia tundu muene mu diulu, uixi: Ihi i uala na-iu, Hangale? Kana kukala ni hele ia kima; kuma Nzambi uevu dízui dia mona tundé bhuoso bhu ua mu bhake.

Dimatekenu 31:12

Muene uixi: Zambula o mesu, u mone; isutu ia jihombo ioso iala mu tukila akaji ku ilunga, iala mixinda, iala mabalangânga, iala mabaka, iala mikete; kuma eme nga mono ioso ia ku bhange Labano.

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

II Jisobha 9:26

Ni kidi muene, se mazá mu kumbi dia ngoloxi eme ki ngi muene o manhinga ma Nabote ni manhinga ma tuana tuê, eme ue ki ngeju ku ku futila-kiu mu kiẋimbuʼiki kia mukáu, Jihova ua ki tange. Kala kiki-phe, mu zangule u mu texi mu kiẋimbu kienʼiki kia mukáu kala kia tange o kizuelu kia Jihova.

II Malunda 24:22

Mu kubhanga kiki, sobha Jouaji ka lembalala dingi o mbote ia mu bhangele Joiada, tatʼa Zakadiia, maji ua mu jibhila monʼê, ua bhingi mu kufua iú tenda, uixi: Jihova ua-nda ku ki mona, hé ua kà ku ibhula na-kiu.

II Malunda 6:23

eie-phe ívua muene tunde ku maúlu, bhanga kikalakalu, u fundise abhikʼé, mukuá ituxi u mu bhane o futu iê, ima iê ia bhange u mu tule na-iu muene ku thandu dia mútue uê, o ua iuka u mu lungise ni ku mu bhana kia fuama mu kuiuka kuê.

Jisálamu 146:9

Jihova u langa jinzuángiza; u tambula konda ia jihukunhi ni atudi; maji o njila-phe ia ísueia u i bhengeleka.

Jisálamu 22:11

Kana ku ngi kala dikanga, kuma kubhondalala kua ngʼiza bhua zukama, o u ngi kudila dingi, ka moneka.

Jisálamu 31:8

Kua xikina ku ngi bhakula bhu maku a nguma; uemika inama iami bhu kididi kia zanze.

Jisálamu 35:22

Eie-phe ue ua ki mono, u Jihova, kana kudixibha; kana ku ngi kala dikanga, Ngana iami, tata!

Jisálamu 55:22

Se uevu kimbamba kia ku xina, iza na-kiu kua Jihova, muene u ku sokesa na-kiu; kuma muene kana kizuua ki ehela muthu uaiuka ku mu bhondeleka sé mbambe.

Jisálamu 68:5

Tata ia jihukunhi, o dilemba dia ahatu a xala atudi, muene Nzambiʼó ku mbanza iê ikôla.

Jisálamu 68:6

Phulungu ua xala ubheka, Nzambi u mu bhanga dibhata, anga u kala mu kulaiela mu nzungule ia akua dibhata diê; hutile a mu kutu, u mu katula mu kaleia, hé u mu bheka dingi mu kubhanduluka; maji oso-phe a xibhaka, a kà tunga mu ixi iakukuta.

Makatukilu 2:25

Nzambi anga u mona anʼa Izalaiele, Nzambi anga u suua o dilamba diâ.

Makatukilu 22:22

Kana kutatesa mutudi (ua muhatu) mba hukunhu. (file).

Makatukilu 22:26

Se mukuenu ua mu tambula o kizuatu kiê mu ungunji, kikale u mu bhana-kiu kioso dikumbi kiluua di fua,

Jisabhu 15:25

Jihova hinu ua-nda ku muanga onzo ia akua-izala; maji o jimbambe ja undundu ua mutudi ua muhatu u ji soma kiambote.

Jisabhu 15:3

Mesu ma Jihova, mala mu ididi ioso, ni kukengelela athu aiibha ni athu ambote.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Jelemiia 16:17

Mbata mesu mami ma lungu muene ku jinjila jâ joso; ene ka suama bhu pholo iami, mba o ikuma iâ i di sueka ku mesu mami, lémbue!

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Jelemiia 49:11

Jihukunhi jé xisa naju, eme ngʼa bhaka ku muenhu; o atudiʼé a-nda ku ngi dielela eme.

Jelemiia 51:56

Mukonda o mubuikixi ua-nda ku muʼendela, ua-nda kuendela Babilonha, o mazonda mê ua kà ma kuta, o mifula iâ ua i bukujula kiá; mukonda Jihova, Nzambi uavu o futu, ua kà mu vutuila kioso kia fuama.

Kuditenda 3:59

Mangonha moso ma ngi bhange, eie Jihova ua a mono; fundisa, Ngana, o mulonga uami.

Kuditenda 3:60

Lûma luâ luoso eie ua lu mono, ni ilunji iâ ioso iala ku ngi funhina eme.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Hozeia 14:4

Eme nga-nda kuilula o kuxibhaka kuâ ni kudianguka kuâ, anga ngʼa zola muene ni muẋima uoso, mukonda njinda iami ku thandu diâ ki iala-ku dingi.

Jouele 3:4

Enu ue mua kuataʼhi nʼeme, enu Tilu ni Sidone, ni enu mu jimbambe joso ja ixi ia Fidíxia? Mbebhu enu muandala ku ngi tata phonzo? Kuabhu-phe, hé kiene ki mu ngi futʼokio, eme ue muʼanzanzaʼumu ngi lenguluka mu ku sonuena futu ienu bhu thala dia mítue ienu.

Habakuke 1:13

Kuzela kuene, Ngana, ku mesu mé, kuma Eie kutené kuiala ima iaiibha mba kutonginina kioso athu kiala kutatesa akuá; abha-phe, Ngana, u lendukila kiebhi athu a bhanga kiaiibha, anga u dixibha muene kioso mukua ituxi kia minha ió ua beta kuiuka kiambote, o muene ndenge?

Matendelelu 10:18

Muene u batula mu kidi o milonga ia monʼa difundu, ni mutudi ua fundu muadi uê; nzuangiza u mu zola, u mu dikila ni kia kúdia ni kia kuzuata.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

I Phetele 4:19

Uila kiki, oso a tala hadi mu vondadi ia Nzambi, o mienhu iâ ende ni ku i lundisa kua Bhanga dia Bhanga dia fiiele, mu ʻkubhanga jinga imbamba ia mbote, kuma Muène kene kufula mu kukumbidila o kizuelu kiê.

I Phetele 5:7

Héle ienu ioso xilenu-iu Nzambi, kuma muène ua mi kuatela muanu.

Afundixi 1:7

Adoni-bezeke anga u zuela, uixi: Makuinhi sambuadi a sobha a kumbuka milembu ia ikota ia maku ni ia inama, a kexi mu nona jisesekenha mʼoxi a meza ami; kioso ki nga bhangele eme, Nzambi ua ngi futu-kiu. Anga a mu bheka mu Jeluzaleme, hé u fuila momo.