Jisálamu 1:1 - O Mikanda Ikola

¹ Ua zediua o muthu ió ka ẋikina kuenda mu phangu ia iiala ia bhumu, kemana mu njila ia akua ituxi, ka xikama bhu nangu dia jisemenhi.

Jisálamu 1:1 ပူးပေါင်းရင်းမြစ်များ

Dimatekenu 49:6

U muenhu uami kana kubokona mu kikutu kiâ. Mu kibuka kiá, kijingo kiami ki ki di bunde-mu; kuma mu njinda iâ a jibha athu, mu kuhuka kuâ ngombe a ji sende mixibha.

Dimatekenu 5:24

Enoko anga uenda ni Nzambi, anga ku mesu a athu u jimuka-ku, kuma Nzambi ua mu ambata.

I Jisobha 16:31

Anga ki bhita kuma (kifua ua fika kima kiofele kia bhange, kia kuenda mu ituxi ia ta jinga Jelobouamu, monʼa Nebate) u taku dingi o kusakana hanji ni muhatu a mu ixana Jezabele, monʼa Etibahale, sobha ia akua Sidonha; anga uia mu kubhikila o kiteka kia Bahale, ni ku ki fukamena bhu pholo iê.

II Malunda 22:3

Muenhú ue uende mu jinjila ja dibhata dia Akabe; mukonda o manhʼâ ua kexile, muene mukua ku mu bhana o kaiula, mu kubhanga ima ia ibha.

Jobe 10:3

Kiedi kala kia ku uabhela ku ngi bhondeleka; kikalakalu kia maku mé u kiʼehelela anga u kuatekesa kikutu kia isuéia?

Jobe 21:16

Talenu muene kuila, o kuzediua kuâ, ki kua mu tunda kokuâ-ene, bhu lukuaku luâ; eme-phe kikutu kia isuéia ki ngi kale dikanga!

Jobe 31:5

Se ngende ni mangonha, se kinama kiami kia lengela kuia mu kutobhesa muthu.

Jisálamu 1:6

kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 106:3

Azediua ió oso a kumbidila o kidi kia fuama; ni ió izuua ioso a bhanga o ima iaiuka.

Jisálamu 112:1

Haleluia! Ua lungu o muthu ió uene ni uoma ua Jihova, ua bhindamena kuijiia kiambote o ijila iê,

Jisálamu 119:115

Ngi tundidienu bhu mbandu, enu mua solo kubhanga kiaiibha, mukonda ngʼandala kubhaka o ijila ia Nzambi iami.

Jisálamu 144:15

Azediua o athu a kala mu ukalelu kala iú uala kiki; azediua muene o athu ala ni Jihova kuma Nzambi iâ.

Jisálamu 146:5

U zediua o muthu ió kubhanduluka kuê kua mu kala kua Nzambi ia Jakobo, ua bhingi o muẋima uê ua dielela kua Jihova muene Nzambi iê.

Jisálamu 146:9

Jihova u langa jinzuángiza; u tambula konda ia jihukunhi ni atudi; maji o njila-phe ia ísueia u i bhengeleka.

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Jisálamu 26:12

Kinama kiami kia kuata kiá mu njila iasokelela; ngi benzela Jihova mu kionge kia akuetu.

Jisálamu 34:8

Lolenu, mu mone kuma Jihova uene ni mbote; muthu ió u lunga uoso ua mu dielela muene.

Jisálamu 36:4

Bhu hama iê bhua zeka, u funha isunji; njila iê ia sola ki i uabha ngó, o kubhanga kiaiibha ka kueha.

Jisálamu 64:2

Ngi sueke, mukonda dia ikutu ia athu aiibha, ni mukonda dia ibulukutu ia akua kubhanga ikuma;

Jisálamu 81:12

Eme ue kiene ki nga ehela, a kaiele o kuxibhaka kua muẋima uâ, aie kuoso kua a tumu o jivondadi jâ.

Jisálamu 84:12

Eie Jihova dia ilômbo, tata! Muthu ió u zediua, uoso ua ku dielela eie.

Jisabhu 1:15

Eie-phe, monʼami, enhó kana ku di ta-nâ kumoxi mu njila iâ; sondolola kinama kié mu hoka jâ;

Jisabhu 1:22

Enu ilalu, ulalu uenu mu suka na-u bhebhi? Enu jisemenhi, usemenhi kifua ki mu ueha dingi? Enu mu ioua, o kuijiia mu di zemba na-ku, kuambe?

Jisabhu 13:15

Kutetuluka kua kidi, ku bongesa ujitu; maji o njila-phe iá ió a dianguka, i talesa hadi, (kuma i muesa lamba).

Jisabhu 13:20

Uoso uenda ni jinjimu, u biluka njimu; uoso-phe u kala kamba dia ku kaiela o ioua, kanange kukituka kala ene.

Jisabhu 19:29

Iiala ia bhumu, a xikamena hádia ku a fundisa; o jixikote, ja xikamena o dikunda dia maiôua.

Jisabhu 2:12

mbé o ku ku ebhesa o njila ia ibhʼoio, ni ku ku kudila ku muthu u zuela isunji,

Jisabhu 3:34

Kutanga kidi, o jisemenhi muene ue u a bhanga kasekelelu; u bhana-phe kiadi kua oso a talamana.

Jisabhu 4:19

O njila-phe ia akua kubhanga kiaiibha mukua ni usuku-ua-nzumba; a di bhukana ku kima, maji ka kʼijiia mba kima kiahi.

Jisabhu 9:12

Eie se ukala u njimu, mbote ié eʼmuene i u bonga-ku; o ki u kala-phe u semenhi, eʼmuene ua di-bhange-kiu.

Jelemiia 15:17

Ki ngene ku xikama bhu nangu dia jisemenhi, né ngó kuila ngi tana-nâ; mukonda dia lukuaku lué, ngene ku di xikamena ubheka uami, kuma eie ua ngiʼzalesa ni njinda.

Jelemiia 17:7

Muthu uoso-phe u dielela kua Jihova, muene ua zediua, uedi o kudielela kuê Jihova muene.

Izekiiele 20:18

Maji, o anʼâ, eme nga a tangelele mu ixi ia kisèkele, ngixi: Kana kuenda mu jingonge ja jitata jenu, mba muʼaluka o mabatuilu mâ, mba mu di kasanesa ni iteka iâ.

Matesu 16:17

Jezú u kumbulula, uixi: Eie ua zediua, Ximá dia Jona! Mukonda o kidi kienhiki eie kua kʼijidila ku xitu ni manhinga, maji a ku bhana-kiu kuala Tata iami uene mu diulu.

Luka 11:28

Muène-phe u vutula, uixi: Kiene, maji a beta o kuzediua oso evua o Maka ma Nzambi anga a ma lunda!

Luka 23:51

Muène ue ka xikanene ni akuá mu kikutu kia tele, ni ioso ia bhange. Muène mukua Limateia, sanzala ia Judeia, uala mù kinga o Utuminu ua Nzambi.

Nzuá 13:17

Kindala ima iíi se mua ijiia, mu zediua se iene i mu bhanga.

Nzuá 20:29

Jezú uixi: Mukonda ua ngi mono, eie ua xikana? A zediua oso ka ngi mono, maji a xikana.

Loma 5:2

Mukonda dia kuxikana, Kristu ua tu bheka dingi mu kiadi kia Nzambi mumu mu tuemana mukonda dia kuxikana kuetu, etu tua sanguluka dingi ni kudielela o fuma ia Nzambi.

Efezo 6:13

Uila kiki, sungenu o kibhakatu kioso kia Nzambi! Phala ki bhixila o kizuua kiaiibha, mu tene kubangâma mu kubhânga ni Nguma, katé ki muila iene ioso mua, i zubha, hanji muemana mu ididi ienu.

Matendelelu 14:6

Iama ioso ia batuka kikoto, anga kiuanunuka mu ikoto iiadi, anga i ta-ku o ku di andununa mu kanu, muʼaxaxi ka iama ioso, jene-phe o jixitu ja mi fuama o kúdia.

Matendelelu 33:29

Kuzediua kué Izalaiele, tata! Nanhi ua soko nʼeie? Kifuẋi kiòbhulule kuala Jihova, muene o ngubu ié ienda ni ku ku banda. Muene ue o xibhata ia unéne ué; kiene kia-nda kubhangesa o jinguma jé ku ku tolokela, eie anga uendela ku thandu diâ, ni ku a tumina.

I Phetele 4:3

Kuma o thembu ia bhiti-ku ia soko kiá ia kubhanga ioso ia uabhela kubhanga o matumbu, kejiia Nzambi. Mukonda mu thembuʼomo enu uenu mua kexi mu kuenda mu jiphànda, ni mu jihânji ja xitu, ni mu uhôlua, ni mu ufusa, ni mu jifesa ja kukodiua, ni mu isunji iaiibha ia kubheza o iteka.

Dijingunuinu 22:14

Azediua oso a sukula izuatu iâ, phala a mone disesa dia kubhiẋila ni kúdia ku kibundu kia muxi ua muenhu, ni kutena kubokuena bhu mielu iê katé mu mbanza.