Jisabhu 9:8 - O Mikanda Ikola

⁸ Kana kubazela semenhi, phala muene ka ku zembe; se uambe kubazela, bazela-phe o njimu, muene ua-nda ku ku zola.

Jisabhu 9:8 ပူးပေါင်းရင်းမြစ်များ

I Jisobha 1:23

Anga a tangela muenexi, exi: O Polofeta Natane iú. O muene kia zubha ubhiẋila bhu pholo ia muenexi, u bhetamena bhu pholo ia muenexi katé pholo ia tula bhoxi.

I Jisobha 1:32

Sobha Davidi anga u zuela, uixi: Ixanenu nganga Zadoko, ni polofeta Natane, ni Benaia monʼa Jehoiada, eze bhabha. Anga a exana, eza bhu pholo ia muenexi.

I Jisobha 22:8

Bhenhobho sobha ia Izalaiele uambela Jozafate, uixi: Sai hanji muthu umoxi tu tena ku mu tuma ku tu sotela kuijiia kizuelu kia Ngana; maji eme-phe nga dizemba-nê, mukonda eme nuka a ngi zambuila mbote ia kima, kala kuii-bha mu kuiibha ngó; muenʼiú o dijina diê Mika, monʼa Imila. Jozafate-phe, uixi: Sobha kana kuzuela kiokio.

Jisálamu 141:5

Uoso uaiukʼó, kia ngi beta, ngʼila kuma ua ngi bhange mbote; o kia ngi bazela, ki kala kala maji ma ngi uaie, ma ngi tula muene kiambote mu mútue; ió né a jijila uthu uengi, eme ngi kolokota ni kusamba.

Jisabhu 1:5

Phala njimu ki evua a kule mu unjimu uê, o ua tongoloka a tambule kilunji kia ku di tumina.

Jisabhu 10:8

O muthu ua dimukina ku muẋima, u tambula ijila; maji o kiôua kiatu mu kanu, ua-nda kudibhala mukonda dia dikanu diê.

Jisabhu 13:1

Mona ua tetuluka, uívua ki mu bazela tatʼâ; maji o semenhi-phe, kene kuívua kia mu bazela.

Jisabhu 13:18

Uoso ka xikina ku mu bazela, uaxikamena uadiama ni usuéia; maji uoso-phe u suua kia mu bazela, uaxikamena kijingo.

Jisabhu 15:12

Semenhi ua di-zemba ni uoso u mu bazela; muene ka xikina kubhiẋila bhuoso bhuala o jinjimu.

Jisabhu 19:25

Ua beta o seletete, ni kiximba ua mu dimuna; bazela mukua kilunji, ua mu mone kia di longa kiua kiambote.

Jisabhu 23:23

Sumba o kidi, kana ku ki sumbisa; inda uila ni unjimu, ni ku di kondeka eʼmuene kiambote, hé u ta-ku ni masunga.

Jisabhu 23:9

Mátui ma kiôua ku ma zangele maka mé, mbata o kuzuela kué kuoso kua unjimu muene u ku tobhesʼé.

Jisabhu 28:23

Uoso u bazela muthu, o ku pholo kuaia, a beta ku mu zola; kuindi o mukua kubhomba ni dimi dia kukuata ngó káfua ku pholo.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Izaía 36:21

Maji ene-oso a dixibha, ka mu kumbulula né ngó diba dimoxi; mbata kiene kia tumu muenexi, kuila: Kana ku mu vutuila kima.

Ijila 19:17

Mukuenu ku mu bhakele unguma ku muxima; inda ku fule ku mu bazela, se ua mu mono kutondala; kima kiaiibha ki ua mono kua mukuenu ku di xibhe na-kiu.

Matesu 15:14

A ehiʼenu! Ala atuameneni a ifôfo. Kifôfo-phe, se ki tuamenena kifofo ni mukuá, kiiadi kiâ a-nda kudibhala mu dikungu.

Matesu 7:6

Ima ia Nzambi kana ku i tela jímbua, o jiphelula jenu kana ku ji texila jingulu, kuma jene ji ji diotela bhoxi, anga ji lunguluka ji ku ẋuua.