Jisabhu 8:8 - O Mikanda Ikola

⁸ Maka moso ma dikanu diami, u ma sanga mu uiukilu uê; se u ma tekula, ku sange-mu ngó ibhengele mba kubhuma.

Jisabhu 8:8 ပူးပေါင်းရင်းမြစ်များ

Jisálamu 12:6

Maka ma Jihova ma kenzuluka; ma soko ni phalata iózunze bhu jiku; a i zunza lusambuadi katé iabhu o dixilu.

Jisabhu 14:6

Semenhi u sota unjimu, maji uene ka di-mono na-u; maji o makua-kilunji-phe ku di longa uene o mukumbi uê.

Jisabhu 2:15

Athu edi o ikoka iâ ienda jihonda joso ni ibhèngele; o kuenda kuâ, iá ku pholo, iá ku dima!

Jisabhu 4:2

Mukonda ngala ku mi sámbukisa ulongelu ua mbote; ngonge iami ki mu i bhane dikunda.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Izaía 45:23

Nga di-lokela mu dijina diami eme-muène; kizuela kia kidi kia tundu mu kanu diami, kizuelu kiami ki ki vutuka kuema, kuma ki di kumbidila muene; uila kiki, ngedi: Phuna joso ja kà ngi fukamena muene, o madimi moso ma kà ngi fisala mu kuloka.

Izaía 63:1

Mukuahi-ú u tunda ku Idomo, ni izuatu iedi kiki nguí, ua tundu ku Bozola? Ua kembe kiki ni kizuatu, kia kijingo? Ua mu kuenda ni nguzu iê ioso: Eme-muène ngi zuela ni kuiuka, ngi dizonda mu ku bhulula.

Nzuá 7:46

Masoladi exi: Kiluua kukala muthu u zuela kala ió.

Matendelelu 32:5

Athu akexe anʼê, leluʼidi a mu kitukila, a di selula, ene-phe a di bhange-kiu! Muiji ua lusebu, abhindamena ngó kuenda ibhengèle!

Filipe 2:15

phala mu kale mu athu ki mu moneka kuêla, ki mu moneka kulokalala, mu anʼ a Nzambi mua tenena sé kikuma, mua di lungu ni muiji ua athu a bhengalala, ezala ni ituxi.