Jisabhu 8:12 - O Mikanda Ikola

¹² Eme, ngi Unjimu, nga tungu bhuamoxi ni kudimuka, eme nga bongo phangu ni ndunge.

Jisabhu 8:12 ပူးပေါင်းရင်းမြစ်များ

I Jisobha 7:14

muenhú monʼa mutudi ua muhetu ua tokala ku muiji ua Nafitali, o tatʼâ ua kexe mukua Tilo. Hilamu muenhú anga Ngana u mu bhana o uhete ni kuijiia ni kutetuluka kua kuzunza o utadi ua ngòndo ni kukalakala na-iu o imbamba ioso iatokala, muenhú ueza kua sobha Solomá, hé u mu bhangela o kikalakalu kia bhindamenene.

I Malunda 28:12

Muène ua mu bhana ue ni muxinda ua ima ioso ia mu kexi ku muẋima, ienʼ íiii: O malumbu ma inzo ia Jihova, ni maxilu oso mu jimbandu phala o malundilu a jimbongo ja inzo ia Nzambi, ni phala malundilu a maujitu oso a kexile mù bhakuila Jihova.

I Malunda 28:19

Davidi uixi: Ima ioso íii iòsoneke, ia ngʼ ijidisa o kizuelu kia Jihova ku ikalakalu ioso, kala ki iala mu mixinda i a kibhela kiki,

II Malunda 13:14

O Juda phe kia tale, ua mono kuila kua mu bhingi kubhânga ni ku pholo ni ku dima; anga a di kola kua Jihova; o jinganga ue a xika jikoloneta.

Jisálamu 104:24

Eie, tata, u Jihova, ikalakalu ié kuvula kuahi! Iene ioso ua i bhange ni uhete, o mu ngongo muezala ni jimbongo jé!

Makatukilu 35:30

Mozé anga u ambela dingi anʼa Izalaiele, uixi: Talesenu, Jihova uexana mu dijina diê, Bezalele, monʼa Hudi, monʼa Hule, ku muiji ua Juda;

Jisabhu 1:4

phala kudimuna o ilalu, ni kulonga anandenge o kuijiia, ni kilunji kioso kia fuama.

Jisabhu 8:5

Enu mu ilalu, di longienu ki kala o kudimuka; enu mu ioua, Sotenu muẋima ua unjimu.

Izaía 28:26

Nzambi iê u mu longa, u mu tetuluila kioso kia tokala kubhanga.

Loma 11:33

O jimbongo ja Nzambi kuvula kuahi! Kuzonga kuahi o unjimu ua Nzambi, ni kuijiia kuê! Mukuahi u tena kulombolola o kaiula kê? Nanhi u tena kutongolola o ikutu iê?

Efezo 1:11

Mukonda o ima ioso a i bhanga kala kia i xindi Nzambi mu ikanenu iê. O muène iú ua tu solo kukala tu mundu uê, mu kuongama kuetu ni Kristu, kala kioso kia mu kala mu vondadi iê, kia ki sola Muène tunde ku dimatekenu.

Efezo 1:8

Mbata Nzambi mu kuijiia kuene na-ku ni kutongoloka kuê kuoso,

Efezo 3:10

Phala o kiki, atumini ni a-kutende ku ididi ia diulu a ki muena ku Ngeleja, kioso ki enda o unjimu ua Nzambi ua vula matelu.

Kolose 2:3

Kuma ima iambote ia unjimu ni kuijiia i tunda kua Nzambi, iene ioso iosueke mua Kristu. Kristu mué ne o sabhi ijikula ioso.