Jisabhu 8:10 - O Mikanda Ikola

¹⁰ Xikinenu ulongelu uami, ki mu xikine phalata; kuma o kuijiia kota, o ulu ua fina uòtungule, ndenge.

Jisabhu 8:10 ပူးပေါင်းရင်းမြစ်များ

Jobe 28:15

Ki ki xikina ku ki bhela ulu ua nzeta, mba a ki pezalela phalata mu ku ki sumba.

Jobe 28:17

O ulu ka u sokesa ni kilunji kia kutongolola, né ua kenzuluka kala kidistalu; kiene ue ki ki xikina ku ki tolokala mu makembu a ulu ua fina.

Jisálamu 119:127

Eme-phe itumu ié nga indi muene, ulu ua ngi kala ndenge, né ulu muene uafina.

Jisálamu 119:162

Nga sanguluka mu kuívua o maka mé, kala muthu ua bongo mbole ia dikota.

Jisálamu 119:72

Ngonge i tunda mu kanu dié nga i mono kota mu kuta, o jisaku ja itadi ia ulu ni phalata, ndenge.

Jisabhu 10:20

Dimi dia muthu ua iuka-phe mukua ni phalata iótungule; muẋima-phe ua isuéia ki uate kima.

Jisabhu 16:16

Kota ku di longa o unjimu, dikue kufuna o ulu; o kudilonga ue kilunji kota, phalata ndenge.

Jisabhu 20:15

Ulu sai, o phelu ja nzaji ue nzungule; maji o mizumbu ia di longo o unjimu, ioio mukua ni jôia ia fina.

Jisabhu 23:23

Sumba o kidi, kana ku ki sumbisa; inda uila ni unjimu, ni ku di kondeka eʼmuene kiambote, hé u ta-ku ni masunga.

Jisabhu 8:19

Kibundu kiami eme kota mu kuta, o ulu ua fina ndenge, né a u zunzila kuebhiʼoko; jimbote jami eme kota, phalata ia kutungula, ndenge.

Ndongixi 7:11

O kuijiia kua soko ni undundu mu kuuabha; oso ala ni muenhu, a-lu mona o dikumbi, a katula-ku muene kima.

Jipoxolo 3:6

Kuala Phetele-phe: Ni phalata, ni ulu, ki ngala. Maji o kioso ki ngala na-kiu, kiene ki ngi ku bhana. Mu dijina dia Jezú Kristu dia Nazalé, balumuka nda uende!

II Kolindo 6:10

Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.