Jisabhu 7:1 - O Mikanda Ikola

¹ Eie monʼami, tata, aiuka maka mami, ijila iami kondeka-iu moxi dia muẋima ué.

Jisabhu 7:1 ပူးပေါင်းရင်းမြစ်များ

Jobe 22:22

Nga diondo, xikina mulongi ua dikanu diê, maka mê u ma te ku muẋima ué.

Jisabhu 1:8

Eie, monʼami, ivua ulongelu ua tatʼenu, kana kueha o ijila ia mamʼenu.

Jisabhu 10:14

O Jinjimu, a-kondeka o unjimu uâ; maji o dikanu dia kioua-phe mukua ni nzendu ia kusekala.

Jisabhu 3:1

Monʼami, ngonge iami ku i jimbe, o muẋima ué ubhake ijila iami.

Jisabhu 4:21

Maba u ngala ku ku longa ka ku bhue ku mesu; lunda-u muene muʼaxaxe ka muẋima ué.

Jisabhu 5:5

Inama iê i kulumuka muʼalunga; O uendelu uê u lenguluka kubheka muthu mu inferno.

Jisabhu 6:20

Eie monʼami aiuka o kitumu kia tatʼenu, o ngonge ia mamʼenu-phe ku i ehe.

Jisabhu 6:35

Né uedi, ngi futa kima kiahi, muene ka xikina; né ua mu vudixila maujitu, muene ka xikina ku ma tambula.

Luka 11:28

Muène-phe u vutula, uixi: Kiene, maji a beta o kuzediua oso evua o Maka ma Nzambi anga a ma lunda!

Luka 8:15

O ia sonoka mu mavu mambote, oso évua maka ni muẋima ua kidi, ua uabha, anga a ma lunda, ema ibundu ni muanu.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 15:20

Lembalalenu o maka u nga mi ambela, ngixi: Mubhika ka tundu ngana iê. Se a ngi zukutisa eme, enu uenu a mi zukutisa; se aiuka maka mami, enu a mi aiuka ue o maka menu.

Matendelelu 11:28

kuxixima se mu dituna kusuua o ijiia ia Jihova Nzambi ienu, anga muila muengi, njila i nga mi xindi anga mu i lueza, anga mu landukila kukaiela jinzambi jengi, ji mua kambe kuijiia.

Dijingunuinu 1:3

Ua zediua uoso u tanga o divulu didi ni oso évua o maka iá a upolofeta, anga aiuka ima ioso ia soneka muenhomo! Kuma o thembu ia zukama phala ima ioso íii kubhita.

Dijingunuinu 22:9

Muène-phe, uixi: Aiuka, kana kubhanga kiki! Eme uami ngi selevende ni mukuenu, nga sokela ni phange jé, o jipolofeta, ni ene oso kiá aiuka o maka ma divulu didi. Bheza Nzambi!