Jisabhu 4:7 - O Mikanda Ikola

⁷ Kima kiala kota ku muenhu ua muthu o unjimu; sota-phe o unjimu ni kutongoloka; ima ioso i uavu bhana-iu muene mu kusota unjimu.

Jisabhu 4:7 ပူးပေါင်းရင်းမြစ်များ

II Malunda 1:10

Ngi bhane-phe kindala o kuijiia ni unjimu, mbé ngi tene kutunda ni kubokona, mu kaẋi ka mundu iú; mbata nanhi muene u tena kufundisa mundu ua vulu kiki?

Jisálamu 119:104

Mu ijila ié muene mu nga kuatela o kilunji; njila ja kujimbidisa eme nga di zembe na-ju.

Jisabhu 16:16

Kota ku di longa o unjimu, dikue kufuna o ulu; o kudilonga ue kilunji kota, phalata ndenge.

Jisabhu 2:4

se u sota o kutetuluka kala kia sota phalata, anga u sota ni muanu kala kia sota jimbongo jʼòsueke,

Jisabhu 21:6

Ku kalakela o kulunda umvama u tunda mu kutanga makutu, kingoho; oso-phe a ki jijila a-lu kenga kalunga.

Jisabhu 23:23

Sumba o kidi, kana ku ki sumbisa; inda uila ni unjimu, ni ku di kondeka eʼmuene kiambote, hé u ta-ku ni masunga.

Jisabhu 4:5

Sota unjimu, sota ku tongoloka, o maka-phe ma tunda mu kanu diami ku a jimbe mba u a ta dikunda.

Jisabhu 8:23

Tunde dia tunde, eme a ngi unda ni maji, tunde ku dimatekenu kioso ngoho oxi ka i andeka luua ku i umba.

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Ndongixi 7:12

Mukonda o kuijiia ku vungina o muthu kala kilembeketa, mukuâ ni kitadi ue, ki vungina kala kilembeketa; maji o kuijiia kua tundu dingi, kuma ku bhana muenhu kua uoso uala na-ku.

Luka 10:42

Maji kia kate-phe ngó kima kimoxi: Madiia ua solo o mbandu iambote, kà tena ku mu tambula-iu.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.