Jisabhu 4:4 - O Mikanda Ikola

⁴ Muene anga u kuata ku ngi longa, uixi: Muẋima ué u kuate kiambote o maka mami; aiuka ijila iami, u mone muenhu.

Jisabhu 4:4 ပူးပေါင်းရင်းမြစ်များ

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Jisálamu 119:144

O kuiuka kua umbangi ué, kua kalʼé, ki kua kà bhua-ku dingi; ngi bhane-phe kilunji, nda ngi laie.

Jisálamu 119:168

Ijila ié nga i kuata muene kumoxi ni ma-umbangi mé; mukonda o jinjila jami joso, ja tukuluka ku mesu mé.

Jisabhu 22:6

Longa mona-ndenge mu njila ioso ia tokala o kuendela; katé kieza mu ku kuka, ka xikina ku i xisa, lémbue.

Jisabhu 23:26

Monʼami ngi bhane o muẋima ué, o mesu mé mʼende ni kuuabhela jinga o jinjila jami.

Jisabhu 3:1

Monʼami, ngonge iami ku i jimbe, o muẋima ué ubhake ijila iami.

Jisabhu 3:2

Kuma iene ia-nda ku ku vudisa o izuua ié; i ku bandekezela mivu ia muenhu ni kutululuka.

Jisabhu 7:2

Ijila iami, aiuka na-iu muene, u mone muenhu; ngonge iami, kondeka-iu kala o anʼa mesu mé.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Jelemiia 38:20

Jelemiia uixi: Ka-nda ku ku bhakula. Nga ku diondo, ivua dízui dia Jihova, kala ki ngala ku ku tangela na-diu; se u dʼivua, ua-nda ku kala kiambote, o muenhu ué ua-nda kulaia muene.

Nzuá 12:50

Ngejiia kuma kijila kiê muène, ki bhana muenhu ki uábhua. O ima-phe ioso i nga tange eme, nga i tange muene kala kia ngi tumu Tata o kuzuela.

Efezo 6:4

Enu uenu mu jitata, kana kuthathamesa anʼ enu ni ku a kuatesa njinda. Maji mu a sasa ni ku a beta, ni ku a longa kioso kia tumu Ngana.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

Matendelelu 6:6

Maka u ngala ku ku tendelela leluʼidi u ma lunda ku muxima ué.

II Timote 1:5

Kuma nga lembalala o kuxikana kuala moxi dié, kua kidi, ki kua ku di bhangesa; kuene kiá kua tungile mua kukuʼenu Loue, ni mamʼenu Unise. O kiki nga mono ue kuma kuene kumoxi ni kua tungu momué.

II Timote 3:15

Mukonda eiemuène tundé undenge uejiia Mikanda Ikôla i tena ku ku ijidisa o kubhuluka, mu kuxikanʼoko kuene mua Kristu Jezú.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

Afundixi 13:12

Kuala Manoua: Tamano ki bhita muene kioso ki ua zuela; tu bhane-phe kijila kioso ki tu sasa o mona, ni ioso muene ia kà bhanga.