Jisabhu 4:26 - O Mikanda Ikola

²⁶ Hoka i u bhita, dianga ku i xinganeka kiambote; o jinjila jé joso ji ku kale ja uhete!

Jisabhu 4:26 ပူးပေါင်းရင်းမြစ်များ

Jisálamu 119:5

Tamano ngi di fikidila mu uendelu uami, anga ngi tena muene kukuata o ijila ié ioso.

Jisálamu 119:59

Nga xinganeka kuoso ku ngi bheka o jinjila jami, ngixi-phe kota inama iami i kutuke mu kaiula ké.

Jisálamu 37:23

Makànda ma muthu uambote Jihova u a tambula konda; uendelu uê u mu uabhela.

Jisálamu 40:2

Ua ngi zaula ue mu dikungu dia kubhondalala, ua ngi tombola mu diloua diòmbama; ua ngi tula inama bhu ditadi, phala makànda mami ma diate kiá bhua kolo.

Jisabhu 15:21

Muthu na kambe kilunji, minangu iê o usemenhi; maji o mukua kilunji-phe, uenda ditonono mu uendelu uê.

Jisabhu 21:29

Kisuéia pholo iê u i kolesa muene ngé; maji o muthu uemana nzanza-phe, njila iê u i tongesa muene kiambote.

Jisabhu 23:19

Monʼami, ívua kunu, u dimuke; o muẋima ué u lunge mu njila.

Jisabhu 4:25

Mesu mé a tale muene ku pholo, o ibhebhetelu ié lungisa-iu muene kiambote mu njila.

Jisabhu 5:21

Mbata mauendelu ma muthu-phe mene ku mesu ma Jihova; muene ukala mu kutongesa muoso mu bhita o muthu.

Jisabhu 5:6

O njila iia ku muenhu muene ka i xinganeka; jinjila jê u ji tesa jihonda, katé ki u tokoka ku ji tongolola mba ja lungu kuebhi.

Izekiiele 18:28

Mbata muene ua xinganeka iu ua diela ku itondalu iê ioso ia bhange, ni kidi kiene ia kà kola muenhu, ka kà fua, kana.

Ajeu 1:5

Kiki-phe Jihova dia Ifuẋi uambe: Mixima ienu i tongolole hanji kiambote o uendelu uenu.

Ajeu 1:7

Kiene kiambe Jihova dia Ifuẋi, uixi: Mikima ienu i tongolole hanji kiambote o uendelu uenu.

Efezo 5:15

Uila kiki, alukenu-phe kiambote kioso ki muenda. Kana kala mu ioua, maji mu kala mu jinjimu.

Efezo 5:17

Kana kukala-phe mua tobho, maji mu tongolola ioso o vondadi ia mi mesena Nzambi o kubhanga.

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

II Tesalonika 3:3

Maji o Ngana-phe uala fiiele. Muène u mi suinisa, u mi langa, phala o Mudiangudi ió ka mi kuate.

Jihebeleu 12:13

Endenu mu jinjila ja kuiuka, phala o kinama kia haxi ki ki sokomoke, inda-xi, kʼiluke.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.