Jisabhu 30:4 - O Mikanda Ikola

⁴ Mukuahi ua bandele kiá ku diulu iu ua tuluka? Mukuahi ua koteka o kitembu bhu maku mê? Mukuahi ua kutila menha bhu kizuatu kiê? Mukuahi ua xikika o jihota joso jaʼxi? Dijina diê nanhi, mba o dijina dia monʼê nanhi, se eie ua mu ijiia.

Jisabhu 30:4 ပူးပေါင်းရင်းမြစ်များ

Nzuá 3:13

Kana-ku dingi muthu ua bandele bhulu, kikale ngó ió ua tundu bhulu, muène Monʼ a Muthu, mukua diulu.

Jobe 26:8

O menha ua a kuikila mu matuta ia xiketela, o ene-phe ka tanduka ni kunema kuê.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Matendelelu 30:12

Mukonda ki kiala ku maúlu, kuamba uila: Mukuahi u tu bandela ku maúlu, nʼa tu bhekele-kiu bhabha, nʼa tu ivuise-kiu, nda tuende ni ku ki bhanga?

Dijingunuinu 19:12

Mesu mê medi kala mulengu ua túbhia, o ku mútue uê ua zuata itundu iavulu. Sai-phe ni dijina diê dia mu soneka, kana-phe muthu ua dʼijiia, kikale muène ngó.

Loma 10:6

Maji o kulunga-phe ku tunda mu kuxikana, kuixi kiki: Kuile ku muẋima ué uixi: Nanhi ua kà banda ku diulu?—mbebhu o kubheka Kristu bhoxi.

Matendelelu 28:58

Se ua kambe kualuka ni ku kumbidila o maka moso ma Kitumu kiki, mòsoneke mu Ndunda ienhiʼii, anga u kamba kuxila o dijina diangene dikola, di kuatesa uoma, o dijina dia Jihova Nzambi ié,

Izaía 53:8

Tembu ia mu tobhesa mu kufunda, a mu fudisa o kulunga. Mu phaxi ni milonga ki bhuala ua mu katula-mu; o izuua ia muenhu uê nanhi ua-nda ku tanga? Kuma muenhu uê a u batula mu ngongo; mukonda o kitondalu kia mundu uami kiene kia mu jibhisa.

Jisálamu 68:18

Eie ki ua bande bhuluʼèlele, ni mu diendu dié ubhika ua u katula-mu eie ua u ambata kuma hutile ié i ua kutu; ni mahitula mé, ua ma tambula muʼaxaxi ka athu; katé ni iá a xibhakele, a xikina kiá kuila, Jihova Nzambi a tunge muʼaxaxi kâ.

Jisálamu 2:7

Ki ngʼedi ngi kola ngonge, Jihova ua ngʼambela, uixi: Eie u monʼami, lelu muene nga ku vuala.

Makatukilu 6:3

Nga tukulukila jinga Mbalahamu, ni Izake, ni Jakobo, kala ngi Nzambi, Muteni-a-ioso; maji ka ngʼijidile mu dijina diami dia Jihova.

Afundixi 13:18

Kuala anju ia Jihova, u ngʼibhuila-hi dijina diami, oko dijina di kôla?

Luka 10:22

Ima ioso a ngi bhana-iu eme kuala Tata iami. Kana muthu-phe uejiia se Mona mukua-hi; ua muijiia ngó muène Tata. Kana muthu ue uejiia se Tata mukuahi; ua muʼijiia ngó muène Mona, ni ió uoso Mona u sola ku mu tukuluila-nê.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Jelemiia 23:6

O mu izuua iê Juda ua kà bhuluka, o Izalaiele uà kà tunga ni kukondama; didi-phe diene o dijina dia-nda ku mu luka: Jihova Dilungilu Dietu.

Jisálamu 24:2

Mukonda muene ua xikika o ixi muʼaxaxi ka menha a kalunga; iu ua i kuatesa ni jingiji jezala menha.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Dimatekenu 32:29

Jakobo anga u mu ibhula, uixi: Ngi tangele ue dijina dié, nga ku diondo. Muene uixi-phe: Phalahi u ngʼibhula o dijina diami? Anga u mu bhana o dibesá bhenhobho.

Makatukilu 15:10

Ua bhusu ni kitembu kié, kalunga ka a bhiti ku thandu; a njoboka kala xumbu mu mabhuku a makota.

Jisálamu 135:7

U bhangesa mbundu kutuka jinga ku maẋokololo a jixi; u bhangesa nzaji ienda ni mvula; u katula kitembu mu dibhakelu diê.

Izaía 45:18

Kuma kiene kiambe Jihova, ua bhanga o maúlu; Nzambi ua tenene kumba oxi, iú ua i iudika; ua i xikika, ka i ʼxia kiṗhulungunzu kia hatu, kana; ua i bhanga phala athu ku tunga-mu, uixi-phe: Eme-muène ngi Jihova, ki kuene uengi.

Jobe 11:7

Ua fika eie u tena kuijiia ijinganu ioso ia jinjila ja Nzambi, mba u bhixila bhu ditala dia kutenena muene kala kia tenena Muteni-a-Ioso?

Jobe 11:8

Kala kia di leka o diulu, kiene kia soko ni kuijiia kuê; eie ua-nda kutena kubhangaʼhi? Mu kuzonga ue kota, mukiukuluku ndenge; eie ua-nda kuijiia kima kiahi?