Jisabhu 3:6 - O Mikanda Ikola

⁶ Mu suue muene ngó mu mauendelu mé moso, muene a iukise o njila jé joso.

Jisabhu 3:6 ပူးပေါင်းရင်းမြစ်များ

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

Ejidala 7:27

Jihova, Nzambi ia jitata jetu a tane-ku! Ua lungulula muẋima ua sobha kala kiki! Phala ku kembesa inzu ia Jihova, ia kala mu Jeluzaleme;

Nehemiia 1:11

Ngana, tata, mátui mé-phe, ma jikukile o musambu ua mubhikʼé, kumoxi ni musambu ua abhikʼé ala kuinda kuxila o dijina dié; mubhikʼé, lelu, anga u mu zediuisa, nʼu mu bhana o kiadi bhu pholo ia muthu iú. Bhenhobho-phe eme ngala ngi mukuati a nganza ia sobha.

Nehemiia 2:4

Anga sobha u ngʼambela, uixi: Kiki phe kima kiahi ki u ngi bhinga; eme bhenhobho ngi sambela Nzambi ia diulu,

Nehemiia 7:5

Bhenhobho Nzambi iami ngivua ua ngi te ku muẋima kuila ngi bhongolola jingana, ni makota a jingana, ni kifuxi kia mundu uoso, nda a a soneke mu jingu jâ ja Vumu. Anga mu divulu dia jingu ja vumu, ja oso a diangele kuiza, ngi sanga muʼòsoneke, kiki:

Jisálamu 32:8

Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

Jisabhu 11:5

O kuiuka kua muthu ua mbote, ku mu iukixila o njila iê; mukua phulu-phe uséia uê uene u mu dia.

Jisabhu 16:3

Ikalakalu ié ioso bhakula-iu kua Jihova, muene u ku xikikila ima ioso i u kana kubhanga.

Jisabhu 16:9

O muẋima ua muthu, u xinda o njila iê ia kuenda; maji Jihova muene u mu tesa díkanda diambote.

Jisabhu 23:17

Muẋima ué ki u kale ni dixinga dia akua ituxi; inda kumbi dioso dia kambamba suua ngó kuxila Jihova.

Izaía 26:7

O njila ia muthu uaiuka, iene ioso i sokelela kiambote. Eie, o uendelu ua muthu uaiuka, uene ku u zonga ni kuiuka kuoso.

Izaía 30:21

O mátui mé, mà kévua dízui ku dima dié, di ku fuetela kuila: Iii iene o njila, endelenu muenhumu; kana kuabhukila ku lukuaku lua kúdia mba lua kiasu.

Izaía 45:13

Silu eme nga mu balumuna phala ku kalakala-nê ima ia fuamena mu uiukilu, njila jê joso nga kà ji iukisa; muuene ua kà tunga mbanza iami, ua kà jituna jihutile jami, sé futu, sé mibhaku, kiene kia tange Jihova dia ifuẋi.

Izaía 48:17

Jihova, Mubhuludi ué, o Dilemba dia Izalaiele, uambe kiki: Eme Jihova Nzambi ié, u ku longa kioso kia uabha, hé u ku endesa mu njila i ua fuama kuenda mu ku di-tela.

Jelemiia 10:23

Jihova, tata, eme ngejiia kuila o njila ienda o muthu ki iene bhu lukuaku lua muthu-muène, mba muthu kienda, muene u tongesa o makanda mê-muène.

Jelemiia 42:3

Phala Jihova, Nzambi ié, a tu longese njila i tua fuama kuendela ni kioso ki tua fuama kubhanga.

Dialuilu 9:20

Bhu kala ni bhabha dituta di bhanga ngó tuizuua tuofele ku balaka; ene-phe kia tumu Jihova a kala bhu kibangu, kia tumu Jihova a katuka ni kuenda.

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

II Kolindo 8:16

Tua sakidila-phe kiavulu Nzambi ua mi tela o muanu uene umoxi ni etu mu muẋima ua Tito phala ku mi kuatekesa.

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

Kolose 3:17

Kala kiki, ioso-ioso-phe i muila, kixi mù zuela, kixi mu kubhanga, iene ioso bhangenu-iu mu dijina dia Ngana Jezú, hé mu sakidila jinga Nzambi Tata kua muène.

Kolose 3:23

Ioso-ioso i mu bhanga, mu kalakala ni muẋima uoso, kuma Ngana mua mu kalakela, ki athu.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.

I Samuuele 30:8

Davidi anga u ibhula kua Jihova, uixi: Kibuka kiki, se ngi ki kaiela manhi ngʼa kuata? Anga Jihova u mu vutuila, uixi: Kaiela, u a kuata muene, iene ioso u i tambula dingi.