Jisabhu 3:34 - O Mikanda Ikola

³⁴ Kutanga kidi, o jisemenhi muene ue u a bhanga kasekelelu; u bhana-phe kiadi kua oso a talamana.

Jisabhu 3:34 ပူးပေါင်းရင်းမြစ်များ

Jisálamu 138:6

Kuma Jihova sumbala kota dia ngana, maji u suua ió ua batama; mukua izala-phe u mu muena ngó mu kanga.

Jisálamu 18:26

Ua di zelesa, eie u ku mona kuzela; muthu uaiibha eie u ku mona kuiibha, kuma ku xikina ku mu ehela.

Jisabhu 1:26

eme ue nganda ku mi olela ki mi tula o divuua, kioso ki mʼiza o kimbuua, eme nga-nda ku mi bhanga kasekelelu.

Jisabhu 14:9

Ioua o kituxi a ki kembela; maji o muʼaxaxe ka jifiiele muala kubhanduluka.

Jisabhu 16:19

Muthu sembele-ze o kukala ni muẋima ua batama, bhuamoxi ni ió oso a lenduka; dikue kuuana o mbole ia kubhunda ni akua izala.

Jisabhu 19:29

Iiala ia bhumu, a xikamena hádia ku a fundisa; o jixikote, ja xikamena o dikunda dia maiôua.

Jisabhu 21:24

Mukua ukumbu, ua di zangeleka, a mu luka mukua kasekelu mukonda mukua kusekalesa akuâ.

Jisabhu 9:12

Eie se ukala u njimu, mbote ié eʼmuene i u bonga-ku; o ki u kala-phe u semenhi, eʼmuene ua di-bhange-kiu.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Tiiaku 4:6

Maji o dikuatekesu di tu bhana Nzambi phe, dia beta kota mu ujitu. Mukonda o Mikanda ia Ngana, iexi: Nzambi u zoka ni akua izala, maji oso a batama u a kuatekesa ni kiadi kiê.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.