Jisabhu 3:3 - O Mikanda Ikola

³ O mbote ni kidi kanaku i jimba; kutila-iu muene mu xingu ié, soneka-iu ku dibaia dia muẋima ué.

Jisabhu 3:3 ပူးပေါင်းရင်းမြစ်များ

II Samuuele 15:20

Kuma eie mazá ueza, kifua lelu ki tokala ngi ku bheka dingi mu bungana ni etu, eme mueneʼami ku nga mu kuila manhí? Vutuka eie muene, ni jiphange jé vutuka-nâ kumoxi; ni kiadi-phe ni kidi ki kale bhuoso bhu uala.

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Jisálamu 25:10

Jinjila ja Jihova jene joso ja henda ni kidi; muene u di tuma ni ió oso a kuata kikutu kiê ni maumbangi mê.

Jisálamu 85:10

Ni henda ni kidi a takana kumoxi; o kuiuka ni kutululuka a di bhubhala hé a di nzobola.

Makatukilu 13:9

Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.

Makatukilu 34:6

O Jihova kioso kia mu bhita bhu pholo iê, Mozé, u mu kola, uixi: Jihova, Nzambi ia jihenda ni kiadi, ua lenduka, u kokoloka mu kuthathamana, u kôla mu kukuatela henda, ufiiele u vula.

Jisabhu 1:9

Kuma ima ienhiʼii ia kà di bhanga kiene o kitundu kia kuzediua ku mútue ué, ni jinzenzela ja kunhenga mu xingu ié.

Jisabhu 14:22

Mbé oso a bhanga kiaiibha, ka mu zanga muene? Oso-phe a bhanga kiaiuka, kua a xikamena mbote ni kidi.

Jisabhu 16:6

Bhuala o henda anga bhu kala ue o kidi, kituxi ki jima; maji athu kuebha o ituxi, ki kale ngó ku uoma ua Jihova.

Jisabhu 20:28

O kubhanga mbote ni kukaiela o kitongola, iene ima i fikidila sobha; o kiandu kiê ki di fikidila mu ubatuilu ua mbote.

Jisabhu 6:21

Imʼiii kutila-iu muene ku muẋima ué, u xalele na-iu mu thembu joso; nhenga-na-iu mu xingu ié.

Jisabhu 7:3

Kutila ijila iami ku milembu ié, soneka-iu ue ku dibaia dia muẋima ué.

Jelemiia 17:1

O kituxi kia Juda kiòʼsoneke ni songo ia felu, iala ni sungu ia diiamande, kiòʼsete ku dibaia dia muẋima uâ, ni ku jimbinga ja jithungi ja kalatódio jâ.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Malakiia 2:6

O ngonge ia kidi ia kexile mu kanu diê; ku mizumbu iê ki kua mu kexile phulu ia kima; uenda jinga ni eme mu paze ni kuiuka, iu ua longo avulu kulenga o kubhuma.

Matesu 23:23

Lamba dienu mu jimesene ja kulonga o Kitumu ni enu mu jifalizeu, mu akua mangonha! Kuma mu bhana kua Nzambi o dijimu katé ni dia olatelá, ni tu máfue dingi tua kutoua ni tua kominhu; maji ima-phe ia kidi, ia kate, ku Kitumu, o kufundisa mu kidi, o kukuatela henda, o kukumbidila, mu kamba ku i bhanga; hinu o iíi mua i bhange, o ioio ue ki i kambe.

II Kolindo 3:3

Kiene-phe! Kristu muene ua soneka o mukanda uenhú, iú ua u tumikisa nʼetu. Uene ki uòsoneke ni tinda, ku mabaia ma matadi, maji ku miẋima ia athu, ni Nzumbi ia Nzambi ia muenhu.

Efezo 5:9

Kuma o kuima kua mukengeji ku di monekena mu kubhongolola nzungule ia jimbote, ni kuiuka, ni kidi.

Matendelelu 6:8

A kala ue kidimbu ki ua kutila mu lukuaku lué; u a nhenga muene bhu kaẋi ka mesu mé maiadi, phala a kale kijimbuete ki ua kutila bhu dibhomo dié.

Jihebeleu 10:16

Kiene o kikutu hinu ki nga kà ta ni ene ki zubha kubhita o izuuʼoio, eme ngi Ngana. Nga kà ta o ijila iami mu miẋima iâ, anga nga kà i soneka mu ilunji iâ.