Jisabhu 3:2 - O Mikanda Ikola

² Kuma iene ia-nda ku ku vudisa o izuua ié; i ku bandekezela mivu ia muenhu ni kutululuka.

Jisabhu 3:2 ပူးပေါင်းရင်းမြစ်များ

I Jisobha 3:14

Se-phe eie uenda mu njila jami, hé u aiuka o ijila iami ni itumu iami, kala ki endele jinge tatʼenu Davidi, eme-phe ue ngi ku vudisa o izuua ia muenhu ué.

Jobe 5:26

O mu mbila ua kà bokona-mu kiá ua kuka muene, mukuâ ni kiene kumuna o kita kia tiliku bhu thembu iê.

Jisálamu 119:165

Kutululúka kuavulu ku kala kua ió oso a zola o ngonge ié; phala ene, kana-ku kima ki tena ku a diangula.

Jisálamu 128:6

Ni ana ni alaula eie ua kà a mona mesu, ni kutululuka ku thandu dia Izalaiele!

Jisálamu 21:4

Muene ua ku bhingi muenhu, eie ua mu bhana-u; ni kuvula izuua, iiza jinga ngó katé ku hádia ni hádia.

Jisálamu 91:16

U laia izuua iavulu, i ngi mu bhana, vondadi i mu bhua; eme ngende ni ku mu idikiza ki kala o ubhulukilu uami.

Jisabhu 10:27

Uoma ua Jihova uia ni kubandekeza ku izuua; maji o mivu-phe ia akua phulu a ká i lengululuisa.

Jisabhu 16:31

Jimvi kitundu kia ujitu, se uala na-ju mu njila ia kuiuka.

Jisabhu 4:10

Ivua, monʼami, u xikine ulongelu uami, phala mivu ia muenhu ué ivule.

Jisabhu 4:4

Muene anga u kuata ku ngi longa, uixi: Muẋima ué u kuate kiambote o maka mami; aiuka ijila iami, u mone muenhu.

Jisabhu 9:11

Mbata ko kuamiʼeme kuene ku ua kà muena o kuvula kua izuua ié, hé a kà ku bandekezela-ku mivu ia muenhu.

Izaía 32:17

O ibundu ia kuiuka ia kà kala kutululuka; o ukalakelu ua kuiuka o kunhoha ni ku kondama mu thembu joso.

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Matendelelu 11:21

Phala mu mone ki mua-nda kuvula izuua ia kulaia nʼenu ni anʼenu, mʼoxi ia lokela Jihova ku i bhana ku jitata jenu; anga izuua ienu isoka ni ia diulu ki dia di leka ku thandu diaʼxi.

Matendelelu 5:32

Endenu-phe ni kubhanga kala kioso kia mi tumu Jihova Nzambi ienu; talenu, kana kuabhukila ku kadilu mba ku kiasu.

I Timote 4:8

Mukonda o kudilonga nguzu ia mukutu, kubhanduluka kuê sai maji ki kua kidi; o kuxila Nzambi-phe, kubhanduluka kuê sai mu ima ioso; mukonda ku dielelesa ni ku muenhu iú ua kindala, ni ku muenhu ua kèza-ku.