Jisabhu 3:18 - O Mikanda Ikola

¹⁸ Oso a u kuata, a bongo muxi ua muenhu; azediua athu oso a u jijila.

Jisabhu 3:18 ပူးပေါင်းရင်းမြစ်များ

Dimatekenu 2:9

Jihova Nzambi anga u sabhukisa mu mavu mbutu ioso ia miẋi ia uabha ku mesu, ia uabha ue ku i dia; mu kaẋi ka díbhia mu kala ue ni muẋi ua muenhu, ni muẋi ua kuijiia kiauabha ni kiaiibha.

Dimatekenu 3:22

Ngana Nzambi anga u zuela, uixi: Tala, muthu ua di bhange kiá kala mukuetu, mu kuijiia kiauabha ni kiaiibha; kala kiki-phe, amoxi u sunununa lukuaku luê, u nomona ue ku muẋi ua muenhu, u dia, nʼa kale ni muenhu ua kambe dizubhilu;

Jisabhu 11:30

Muthu uambote, ibundu iê i di fuangana ni muxi ua muenhu; uoso u sungila kokuê o mienhu ia athu, muene njimu.

Jisabhu 13:12

Kudielela kua kokoloka, ku sukisa o muẋima; maji o kiendi o muẋima, kuila kia bhixila, ki di-bhanga muxi ua muenhu.

Jisabhu 15:4

O dimi di zuela ni kilendu, di di bhanga muxi ua muenhu; maji o dimi-phe di lula mu kuzuela, di budikisa o muẋima.

Jisabhu 4:13

O ulongelu ua ku kubazela, ku uehe; lunda-u muene, kuma uene o muenhu ué.

Jisabhu 8:32

Kiki-phe enu, mu ana, ngʼivenu, kuma azediua ió oso aiuka o ijila iami, anga a kaiela mu jinjila jami.

Jisabhu 8:34

Uoso muthu u ngi bhana mátui muene ua zediua, anga uia ni ku ngi xikamena bhu mielu iami kizuua ni kizuua; hé ukuata ku kingila bhu mielu bhuoso bhu ngi bokuena.

Ndongixi 7:12

Mukonda o kuijiia ku vungina o muthu kala kilembeketa, mukuâ ni kitadi ue, ki vungina kala kilembeketa; maji o kuijiia kua tundu dingi, kuma ku bhana muenhu kua uoso uala na-ku.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.

Dijingunuinu 22:2

ia-lu kunguluka mu kaxi ka nzunga ia mbanza. Ku sàmbua ni sàmbua dia ngiji, kukala mixi ia muenhu, iene mu kuima kuinhi dia kualidade ni kiiadi ia ibundu ku muvu, i bhana ibundu iê mbeji joso. O mafe mê ma uabhela o kusaka akuajixi.