Jisabhu 3:16 - O Mikanda Ikola

¹⁶ Ku lukuaku luê lua kadilu kuala dibandekezu dia izuua, o ku lukuaku luê lua kiasu maunvama ni kijingu.

Jisabhu 3:16 ပူးပေါင်းရင်းမြစ်များ

I Jisobha 3:13

Ni iii i ua kambe ku i bhinga, ngi ku bhana-iu ue, ni jimbongo ni kijingo, katé ku jisobha joso ki ku kala mukuenu u soka-nê, izuua ié ioso ia muenhu ué.

Jobe 39:12

Inga u mu bhangesa kuila imbamba i ua kunu u ku bhekela na-iu mʼonzo, ni ku i bhongoluela muene bhu kienda kia ku vundila?

Jisálamu 112:3

Mʼonzo iê mu kala kubhanduluka, mu kala jimbongo; o kuiuka kuê kuemana kua di fikidila muene katé ku hádia.

Jisálamu 21:4

Muene ua ku bhingi muenhu, eie ua mu bhana-u; ni kuvula izuua, iiza jinga ngó katé ku hádia ni hádia.

Jisálamu 71:9

Kana ku ngi kaia mu thembu iami ia kukuka; kana ku ngʼehelela ki u mona nguzu ií ngi bhua kiá!

Jisabhu 22:4

O kuditolesa ni kuxila Jihova, futu iâ jimbongo, ni kijingo, ni muenhu.

Jisabhu 3:2

Kuma iene ia-nda ku ku vudisa o izuua ié; i ku bandekezela mivu ia muenhu ni kutululuka.

Jisabhu 9:11

Mbata ko kuamiʼeme kuene ku ua kà muena o kuvula kua izuua ié, hé a kà ku bandekezela-ku mivu ia muenhu.

Marku 10:30

he u kamba kutambula luhama ku muenhu iu, mabhata, jiphange, ja mala ni ja ahatu, jimama, ana, jixi, kumoxi ni jiphaxi ja ku mu zuididika. Maji o ku mundu ua keza-ku, muenhu ki uábhua.

II Kolindo 6:10

Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.

I Timote 4:8

Mukonda o kudilonga nguzu ia mukutu, kubhanduluka kuê sai maji ki kua kidi; o kuxila Nzambi-phe, kubhanduluka kuê sai mu ima ioso; mukonda ku dielelesa ni ku muenhu iú ua kindala, ni ku muenhu ua kèza-ku.