Jisabhu 3:1 - O Mikanda Ikola

¹ Monʼami, ngonge iami ku i jimbe, o muẋima ué ubhake ijila iami.

Jisabhu 3:1 ပူးပေါင်းရင်းမြစ်များ

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Jisálamu 119:153

Ngi tale ki nga bhondalala, u ngi bhandulule; kuma ngonge ié, iene i nga te o muẋima.

Jisálamu 119:16

O kutonoka kuami, ngi suka bhu mbambe ia mixinda ié; o maka mé ku muẋima uami, ka-nda kúbhua-ku.

Jisálamu 119:176

Ku nga tundu nga jimbila kala mbudi; selevende ié Ngana, mu sote; kuma o itumu ié ki nga i jimbi kana.

Jisálamu 119:34

Ngi bhane kilunji, ngʼaluke o ngonge ié; ngi ta-ku muene muẋima uami uoso.

Jisálamu 119:61

Mikolo ia ísueia ia ngi bhidile muene; maji eme-phe o ngonge ié ki ia ngi jimbi, kana.

Jisálamu 119:93

Nuka ijila ié ia kà ngi jimba, mukonda muene, Ngana, mu a ngi bhela o muenhu.

Jisálamu 91:16

U laia izuua iavulu, i ngi mu bhana, vondadi i mu bhua; eme ngende ni ku mu idikiza ki kala o ubhulukilu uami.

Makatukilu 20:6

ngi kuatela henda katé ku midi ia miji ua iâ a ngi zola anga aia ni kualuka ijiia iami.

Jisabhu 1:8

Eie, monʼami, ivua ulongelu ua tatʼenu, kana kueha o ijila ia mamʼenu.

Jisabhu 16:31

Jimvi kitundu kia ujitu, se uala na-ju mu njila ia kuiuka.

Jisabhu 2:1

Monʼami, se u xikina maka mami, anga u kondeka o jingonge jami mu muẋima ué,

Jisabhu 23:26

Monʼami ngi bhane o muẋima ué, o mesu mé mʼende ni kuuabhela jinga o jinjila jami.

Jisabhu 31:5

Phala ki kibhite kuila ela anua, a jimba o kitumu anga a selula o kidi kia tokala kulungisa o jiphulungu.

Jisabhu 4:2

Mukonda ngala ku mi sámbukisa ulongelu ua mbote; ngonge iami ki mu i bhane dikunda.

Jisabhu 4:21

Maba u ngala ku ku longa ka ku bhue ku mesu; lunda-u muene muʼaxaxe ka muẋima ué.

Jisabhu 4:5

Sota unjimu, sota ku tongoloka, o maka-phe ma tunda mu kanu diami ku a jimbe mba u a ta dikunda.

Jisabhu 8:1

Abha manhi unjimu ki uala ku dikola lua vulu muene; o kuijiia kua muẋima ue ki kuala kubhana mbimbi iê?

Jisabhu 9:1

Unjimu uatungu kiá onzo iê, iambata sambuadi dia ngunji.

Izaía 51:17

Phaphumuka, phaphumuka, u balumuke, Jeluzaleme, tatʼeie! Uanu dikáu dia njinda ia Nzambi, dia tundu bhu luakuaku luê; dikáu dia kubhendujuka eie ua di zunzumuna muene, ni iẋiẋi iê ua i xibhi.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Matendelelu 4:23

Alukenu-phe, kana kujimba o kikutu kia te Jihova Nzambi ienu nʼenu; kana ku di songela kiteka kioso-kioso, mba ilúmbua ia ima ia mi kidika kuala Jihova Nzambi ienu.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

Matendelelu 5:16

Bhana ujitu kua tatʼenu ni mamʼenu, kala kia ku tendelela Jihova Nzambi ié, nda u vule izuua ia kukola muenhu mu ngongo, u tunge usome mʼoxi ia ku bhana Jihova Nzambi ié.

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Matendelelu 8:1

Ijila ioso i ngala ku mi tuma kizuua kia lelu, mu i kuata muene phala mu i kumbidile, mbé mu laie nda mu sokoloke, phala mu bokone mu kúvua ixi ia plometela Jihova ku jitata jenu ni mulôko.