Jisabhu 27:9 - O Mikanda Ikola

⁹ Mukua ni maji ni ima ia mazumba ki i tanesa o muẋima, kiene ue o kaiula ka dikamba ki ka tanesa o haxi ia kate.

Jisabhu 27:9 ပူးပေါင်းရင်းမြစ်များ

I Jisobha 1:12

Kiki-phe, nga ku diondo, izá ngi ku longe phangu, phala u bhulule o muenhu ué èʼmuene, ni muenhu ua monʼé Solomá.

Jisálamu 104:15

ni vinhu phala muẋima ua muthu u sanguluke, ni maji phala pholo iê i lelame, ni musa phala a kale ni nguzu mu mukutu.

Jisálamu 133:2

Kia soko ni maji a kuhingisa ungana, a tula mu mútue, hé a mbombela ku muezu, ku muezu ua Alá, a kulumuka muene, hé a bhixila katé mu ngola ia kizuatu kiê. O kudizola ku kala kiki, ku di fuangana

Jisálamu 141:5

Uoso uaiukʼó, kia ngi beta, ngʼila kuma ua ngi bhange mbote; o kia ngi bazela, ki kala kala maji ma ngi uaie, ma ngi tula muene kiambote mu mútue; ió né a jijila uthu uengi, eme ngi kolokota ni kusamba.

Jisálamu 23:5

Eie u ngi bhangela meza ku pholo, bhu mesu muene a jinguma jami; u ngi uaia o mútue ni maji; nganza iami iezala, ia ẋamuka.

Jisabhu 15:23

Muthu kuijiia kuvutula kizuelu kiambote ni dikanu diê, ki mu sanguluisa; kuma o kizuelu kiene mu touala bhu thembu iê!

Jisabhu 16:21

Muthu uoso uejidila ku muẋima, ió a muila uadimuka; o uzuela kiatouala, u zubhisa akuâ o kudilonga.

Jisabhu 7:17

Hama ioso muene eme nga i sangela ni uasu ua dizumba, ni uxila, ni kanela.

Mukumbi ua Mikumbi 1:3

Mu ku nuha kiambote, o maji mé ala kota mu ku uabha; o dijina dié, mukuá ni maji ma dizumba mala ku lunduluka; anʼa ilumba kiene kia ku zolela.

Mukumbi ua Mikumbi 3:6

Kiki kima kiahʼiki, ki tundila mu kikangalakata kala mufundangala ua dixi, diezala ni uasu ua dizumba, ni ua sumuna ni ua libana ni fufuta ioso i bhana dizumba dia mbote iene mu funa o jingenji?

Mukumbi ua Mikumbi 4:10

Jihenda jé kuuabha kuahi, phangʼiami ia muhatu, tâta! Jihenda jé kuuabha kuabhi, muhatuʼami, tata! Lukuẋi luosuʼulu o henda ié ia beta kota mu kuuabha o vinhu ndenge! O maji mé ma nuha kiengi, ima ioso ia dizumba ndenge!

Nzuá 12:3

Madiia anga u katula dívala dia nguendu ia nardo ia uabha o dizumba, ia te kiavulu. Anga u uaia inama ia Jezú, u i kondona ni kindemba kiê. Inzo ioso anga izala ni dizumba dia nardo.

Jipoxolo 28:15

O jiphange kueneʼ oko ku Roma kia tu ivu kuila etu tuiza, eza ku tu tumbidila katé bhu Kitanda kia Apio, ni bhu Ijima Itatu. O Phaulu kia di mono-nâ, ua sakidila Nzambi, iú ua tana-ku dingi.

Afundixi 9:9

Kuala mudiva-phe, uixi: Kifuá ngi xia maji mami ma fumana ni kua Nzambi ni kua athu, ni ngiie mu kubhekela ngó ku thandu dia miẋi?